May
30
Category: Анонсҳо
May
30
ФИЛМИ “ШИКАСТИ ФИТНА” ВА ОШКОРШАВИИ АСРОРИ ФИТНАГАРОН
Санаи 28-уми майи соли 2022 устодон ва донишҷӯёни Донишкада филми «Шикасти фитна»-ро, ки он сабабҳои ҳодисаҳои моҳи майи соли равон дар шаҳри Хоруғ ва ноҳияи Рушони Вилояти Мухтори Кӯҳистони Бадахшонро бозгӯ мекард, дастаҷамъона тамошо карданд. Филми мазкур вобаста ба фаъолияти гурӯҳи ҷиноӣ, ки дар бетартибиҳои моҳи май айбдор мебошанд, таҳия гардидааст.
Пас аз тамошои филм якчанд нафар профессорон ва устодони Донишкада фаъолияти ҷиноӣ ва хиёнаткоронаи як гурӯҳ ашхоси дастгиршударо дар ВМКБ маҳкум намуда, аз дастовардҳои солҳои соҳибистиқлолӣ ёдовар шуданд.
May
28
Ғолибони озмуни ҷумҳуриявии “Донишҷӯ ва пешрафти илмӣ-техникӣ”
Дар доираи баргузории Рӯзи ҷавонон дар вазъияти тантанавӣ ба як қатор донишҷӯёни соҳибистеъдод ва болаёқати Донишкадаи иқтисод ва савдои ДДТТ, ки дар олимпиада ва озмунҳои ҷумҳуриявӣ ба гирифтани мақомҳои шоиста мушарраф гардиданд, диплом ва туҳфаҳои хотиравӣ тақдим карда шуд.
Аз ҷумла, дар даври ҷумҳуриявии озмуни илмӣ-таҳқиқотии донишҷӯёни муассисаҳои таҳсилоти олии касбӣ – “Донишҷӯ ва пешрафти илмӣ-техникӣ” донишҷӯёни донишкада Аслам Имомназаров дар бахши психология бо дипломи дараҷаи 1, Бобоҷонова Бунафша дар бахши фарҳангшиносӣ бо дипломи дараҷаи 2 ва Фирдавс Раҳмонов дар бахши сиёсатшиносӣ бо дипломи дараҷаи 3 бахшида ба 31-солагии Истиқлоли давлатии Ҷумҳурии Тоҷикистон ва “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” эълон намудани солҳои 2020-2040 сарфароз гардонида шуданд, ки донишҷӯёни мазкур аз тарафи раёсати Донишкадаи иқтисод ва савдо бо туҳфаҳои арзишнок қадрдонӣ карда шудааанд. Ҳамчунин Муҳаммадҷон Юнусов барои ишғоли ҷойи сеюм дар дуюмин Озмуни ҷумҳуриявии донишҷӯёни МТОК-и Ҷумҳурии Тоҷикистон барои дарёфти “Ҷоми раёсати Донишгоҳи байналмилалии сайёҳӣ ва соҳибкории Тоҷикистон” аз рӯйи равияи “Математика” бахшида ба солҳои 2020-2040, “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” ва эълон гардидани солҳои 2020-2026 “Солҳои рушди саноат” бо дипломи дараҷаи се сарфароз гардонида шуд. Ҷараёни супоридани туҳфаҳо ва дипломҳо аз тарафи шабакаи ШТР “Азия” наворбардорӣ карда шуда, дар барномаи “Навид” пахш карда шуд. Инчунин дар сомонаи расми Донишкада ва рузномаи “Иқтисод ва тиҷорат”-и донишкада ахбор нашр гардид. Ба ғолибони озмуни илмӣ-таҳқиқотии донишҷӯёни муассисаҳои таҳсилоти олии касбӣ – “Донишҷӯ ва пешрафти илмӣ-техникӣ” директори донишкада, номзади илмҳои иқтисод, дотсент Ҳошимзода Ҳомид Ҳасан диплом ва туҳфаҳои хотиравӣ тақдим намуда, дар таҳсили минбаъдаашон барору комёбиҳо таманно намуд.
May
28
Мулоқот бо кормандони РКҲФ ва МГ дар вилояти Суғд
Бо мақсади пешгирӣ аз ҳолатҳои ғарқшавӣ дар мавсими оббозӣ устодону донишҷӯён дар ДИС ДДТТ бо сардори шуъбаи оперативӣ ва сафарбарии РКҲФ ва МГ дар вилояти Суғд подполковник Нуралиев Зуҳриддин ва кормандони РКҲФ ва МГ дар вилояти Суғд вохӯрии судманд доир гардид. Мулоқотро муовини директор оид ба тарбия ва рушди ҷавонон н.и.ф., дотсент Аҳророва Г.У. ифтитоҳ намуда, меҳмононро ба иштирокчиён муаррифӣ кард ва мавзуи мулоқотро барои донишҷӯён муфид маънидод намуд.
Намояндаи раёсати КҲФ ва МГ дар вилояти Суғд подполковник Зуҳриддин Нуралиев вобаста ба ҳудуди обии вилоят ва мавсими оббозиву ғарқшавӣ ба иштирокчиён сӯҳбати озод намуда дар мавзуи «Риояи қоидаҳои бехатари ҳангоми оббозии кудакон, наврасон, калонсолон дар мавзеъҳои шиноварӣ ва расонидани ёрии аввалини тибби ҳангоми ғарқшавӣ дар об» баромад кард.
Мулоқоти судманд бо кормандони РКҲФ ва МГ дар вилояти Суғд саволу ҷавоб ва мулоҳизаронӣ ба анҷом расид.
May
26
Рушди устувори иқтисодиёти рақамӣ дар шароити ҷаҳонишавӣ: муаммоҳо, тамоил ва таҷрибаи ҷаҳонӣ
Дар бинои чаҳоруми Донишкадаи иқтисод ва савдои ДДТТ онлайн-конференсияи байналмилалии илмӣ-амалӣ таҳти унвони “Рушди устувори иқтисодиёти рақамӣ дар шароити ҷаҳонишавӣ: муаммоҳо, тамоил ва таҷрибаи ҷаҳонӣ” бо ибтикори донишкадаи иқтисод ва савдои Донишгоҳи давлатии тиҷорати Тоҷикистон дар шаҳри Хуҷанд, Маркази илмии Академияи миллии илмҳои Тоҷикистон дар шаҳри Хуҷанд, Донишгоҳи иқтисодиёт, кооператсия ва ҳуқуқи Белгород, Донишкадаи кибербехатарӣ ва технологияҳои рақамии Донишгоҳи технологии Россия Филиали Ургенҷии Донишгоҳи технологияҳои иттилоотии Тошканд баргузор гардид.
Конференсияи байналмилалӣ бо сухани ифтитоҳии муовини директор оид ба илм ва робитаҳои байналмилалӣ Мирпочоев Далерҷон оғоз гардид, ки зимни он мавсуф ҳадафҳои асосии баргузории конференсияи мазкурро шарҳ дода, ба кори он барору комёбиҳо таманно кард.
Баъдан директори Маркази илмии Академияи миллии илмҳои Тоҷикистон дар шаҳри Хуҷанд Анвар Мақсудӣ оид ба мавзуи “Тенденции подготовки специалистов в области информационных технологий: проблемы и пути решения в Таджикистане” маърӯзаи пурмуҳтаво намуд.
Қодиров Абдураҳмон, д.и.и., профессори ДДХ ба номи академик Бобоҷон Ғафуров оид ба мавзӯи “Цифровая экономика и её практика”, Раиси Раёсати Ассосиатсияи занони соҳибкор Гулбаҳор Маҳкамова дар мавзуи “Роль финансовых технологий в развитии цифрового будущего” маърӯза намуданд.
Бобобеков Хушбахт намояндаи ширкати “Мегафон Тоҷикистон” дар мавзуи “Мировые тренды в IT технологиях” ва Ваҳҳобов Абдуваҳҳоб, н.и.и., дотсент, мудири кафедраи математикаи олӣ ва технологияҳои инноватсионии ДИС ДДТТ перомуни “Современные ИКТ цифровой экономики: проблемы развития” маърӯза намуда, фикру мулоҳизаҳо ва пешниҳодҳои судмандро баён доштанд.
Дар қисмати онлайн-бахшҳо: Литвиненко Инна, к.э.н., дотцент кафедры управления и предпринимательства МГГЭУ (Москва) с темой «Цифровая трансформация в контексте геополитики: новые вызовы для Росии, мира и стран СНГ», Токарь Е., д.э.н., профессор кафедры экономики БУКЭП (Белгород) на тему “Тенденции развития розничной торговли Росии в условиях цифровизации экономики”, к.э.н., дотцент кафедры экономической теории Абдунасим Маджидов на тему “Влиянии цифровизации экономики на функции управления”, Файзиев Муроджон, ассисент кафедры высшей математики и иновационних технологии на тему “Цифровизация образовании как инстурмент развития цифровой экономики” ва н.и.ф-м., профессор Юсупов Аюбҷон дар мавзуи “Рушди инсонӣ ва иқтисоди рақамӣ: муаммо ва ояндабинӣ” баромад намуданд.
May
26
Донишҷӯён дар мусобиқаи варзишӣ оид ба футбол барои дарёфти Ҷоми Раиси шаҳри Хуҷанд
Санаи 24 майи соли 2022 бо мақсади тарғибу ташвиқи футбол, пайдо намудани истеъдодҳои нав дар байни ҷавонон, гузоштани заминаи мусоид барои рушди футболи касбӣ мусобиқаи варзишӣ оид ба футбол барои дарёфти Ҷоми Раиси шаҳри Хуҷанд бахшида ба таҷлили Рўзи ҷавонони Тоҷикистон ва 30-солагии Иҷлосияи XVI-уми Шўрои Олии Ҷумҳурии Тоҷикистон байни донишҷўёни муассисаҳои олӣ ва миёнаи касбӣ бозиии ниҳоӣ байни дастаҳои ДДХ ба номи академик Б. Ғафуров ва тими Донишкадаи иқтисод ва савдои ДДТТ дар Хуҷанд дар варзишгоҳи “Спартак”-и шаҳр сурат гирифт. Донишҷӯёни Донишкада: Абдулазизов Акмал, Абдулоев Шаҳзод, Азимов Далер, Бобохонов Баҳриддин, Боқиев Парвиз, Каримов Далер, Мазбутов Баҳодур, Маннонов Азиз, Очилов Абдурасул, Раҳматов Шероз, Солиев Парвиз, Шарипов Азамат, Шарипов Маҳмадсаид, Юсупов Сӯҳроб дар мусобиқа фаъолона иштирок намуда соҳиби ҷойи дуюм гардиданд.
Дар охир аз тарафи Раиси шаҳри Хуҷанд Фирдавс Шарифзода ба дастаи футболбозони ДИС ДДТТ диплом ва ба беҳтарин бозингарон ифтихорномаву туҳфаҳои хотиравӣ тақдим карда шуд.
May
26
Иштирок дар семинари ҷумҳурияви илмӣ-амалӣ
Санаи 20 майи соли 2022 Китобхонаи давлатии патентию техникии Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон семинари ҷумҳурияви илмӣ-амалии дар мавзуи «Аҳамияти таъсиси маъхазҳои электронӣ дар китобхонаҳои Тоҷикистон ва пешниҳоди дастрасӣ ба он» бо иштироки васеи китобхонаҳои шаҳру навоҳии ҷумҳурӣ гузаронида шуд.
Дар кори семинар китобдори дараҷаи 2-юми китобхонаи электронии Донишкадаи иқтисод ва савдои ДДТТ бо маърӯзаи худ дар мавзуи “Аҳамияти таъсиси маъхазҳои электронӣ дар китобхонаҳои Тоҷикистон ва пешниҳоди дастрасӣ ба он” баромад намуд.
May
26
Гирандагони Стипендия аз факултети Иқтисодиёт ва технологияҳои инноватсионӣ
Санаи 23 майи соли равон маросими супоридани Стипендияи Раиси Вилояти Суғд баргузор гардид, ки дар соли таҳсили 2021-2022 аз Донишкадаи иқтисод ва савдои Донишгоҳи давлатии тиҷорати Тоҷикистон 17 нафар донишҷӯён ба гирифтани он сазовор гардиданд, ки 7 нафари онҳо аз факултети “Иқтисодиёт ва технологияҳои инноватсионӣ” мебошад:
1. Арипов Шарифҷон
2. Аҳророва Шоҳина
3. Сидиқова Райҳона
4. Самадова Саидабону
5. Ҳусейнхӯҷаев Фирӯзхӯҷа
6. Ҳомидов Мирзоравшан
7. Ҳайдаров Акмал
May
26
Донишҷӯён соҳиби сертификат гардиданд
Аз санаи 10.05.2022 то 14.05.2022 дар тренинги 5-рӯза, дар мавзуи “Бизнес – ғояи худро татбиқ намо” 6 нафар донишҷӯёни факултети “Иқтисодиёт ва технологияҳои инноватсионӣ” фаъолона иштирок намуда, соҳиби сертификат гардиданд:
1. Очилова Рухшона
2. Ашрапова Фотима
3. Обидова Шоҳина
4. Сайфиддинова Манижа
5. Қосимова Амина
6. Раҳмонова Дилноза
May
26
Иштироки доиншҷӯён дар “Ҳафтаи худидоракунӣ”
Аз санаи 2.05.2022 то 7.05.2022 дар “Ҳафтаи худидоракунӣ” иштироки доиншҷӯёни муассисаҳои таҳсилоти олии касбии вилоят дар идоракунии мақомоти иҷроияи ҳокимияти давлатии вилояти Суғд, 3 нафар аз факултети “Иқтисодиёт ва технологияҳои инноватсионӣ” ширкат варзиданд:
1. Баракаева Мадина
2. Сидиқова Райҳона
3. Ҳусейнхӯҷаев Фирӯзхӯҷа
