Дар айни замон, дар факултет, ҳамчун декан номзади илмҳои иқтисодӣ, дотсент Ҷалолов Н.М., ҷонишини декан оид ба таълим ва назорати сифати таҳсилот муаллими калон Ҷамолиддинов С.Р., ҷонишини декан оид ба илм номзади илмҳои филологӣ, дотсент Бобоев С.С., ҷонишини декан оид ба тарбия Ҳоҷиев А.С., методист-танзимгар Холназарова М.Б. ва оператори МЭҲ Расулова М.Р. фаъолият бурда истодаанд.
Ҷалолов Нодирҷон Маҳмудович
аз 28 августи соли 2018 дар вазифаи декани факултети тиҷорат, фаъолияти гумрукӣ ва ҳуқуқи Муассисаи давлатии таълимии Донишкадаи иқтисод ва савдои Донишгоҳи давлатии тиҷорати Тоҷикистон кор мекунад.
14 октябри соли 1979 дар шаҳри Истаравшан дар оилаи хизматчӣ ба дунё омадааст. Оиладор, соҳиби 4 фарзанд.
Соли 2003 – Донишгоҳи давлатии Хуҷанд ба номи академик Б. Ғафуровро аз рӯи ихтисоси “Ташкилотчии коргузории гумрук” (бо дипломи аъло) хатм кардааст.
Соли 2010 – Донишгоҳи давлатии ҳуқуқ, бизнес ва сиёсати Тоҷикистонро аз рӯи ихтисоси “Ҳуқуқшинос” (бо дипломи аъло) хатм кардааст.
Кор ва фаъолияти собиқа
| Солҳои 2003-2008 | Муаллими кафедраи коргузории гумруки факултети ҳуқуқшиносии ДДХ ба номи академик Б. Ғафуров | ш. Хуҷанд |
| Солҳои 2008-2012 | Муаллими калони кафедраи менеҷмент ва соҳибкории факултети молия ва иқтисодиёти бозори ДДХ ба номи академик Б. Ғафуров | ш. Хуҷанд |
| Солҳои 2012-2013 | Муаллими калони кафедраи молшиносӣ ва фаъолияти гумрукии факултети тиҷорат, фаъолияти гумрукӣ ва ҳуқуқи ДИС ДДТТ дар шаҳри Хуҷанд | ш. Хуҷанд |
| Солҳои 2013-2018 | Мудири кафедраи молшиносӣ ва фаъолияти гумрукии факултети тиҷорат, фаъолияти гумрукӣ ва ҳуқуқи ДИС ДДТТ дар шаҳри Хуҷанд | ш. Хуҷанд |
| Аз моҳи августи соли 2018 | Декани факултети тиҷорат, фаъолияти гумрукӣ ва ҳуқуқи ДИС ДДТТ дар шаҳри Хуҷанд | ш. Хуҷанд |
Ҷамолиддинов Суҳроб Рустамович, муовини декан оид ба таълим
Ҷамолидинов Сўҳроб Рустамҷонович миллаташ тоҷик, маълумоташ олӣ, соли 1999 Донишгоҳи давлатии ҳуқуқ, бизнес ва сиёсати Тоҷикистонро хатм намудааст. Фаъолияти кориашро соли 1999 ҳамчун омӯзгори фанҳои менеҷмент дар Донишгоҳи давлатии ҳуқуқ, бизнес ва сиёсати Тоҷикистон оғоз намудааст.
Солҳои 1999-2002 ҳамчун ассистенти кафедраи менеҷменти Донишгоҳи давлатии ҳуқуқ, бизнес ва сиёсати Тоҷикистон кор кардааст.
Аз соли 2002 то соли 2004 ба ҳайси иҷрокунандаи вазифаи мудири кафедраи менеҷменти Донишгоҳи давлатии ҳуқуқ, бизнес ва сиёсати Тоҷикистон фаъолияти меҳнатӣ бурдааст.
Солҳои 2004 – 2005 вазифаи ҷонишини декан оид ба корҳои тарбиявиро дар факултаи молия ва менеҷменти Донишгоҳи давлатии ҳуқуқ, бизнес ва сиёсати Тоҷикистон ба зима дошт.
Ҷамолидинов С.Р. аз соли 2006 то соли 2018 ҳамчун муаллими калони кафедраи менеҷменти Донишкадаи иқтисод ва савдои Донишгоҳи давлатии тиҷорати Тоҷикистон ва аз соли 2018 инҷониб ба ҳайси ҷонишини декан оид ба таълим дар факултети тиҷорат, фаъолияти гумрукӣ ва ҳуқуқи донишкадаи мазкур кор карда истодааст.
Ҷамолидинов С.Р. дар ҷодаи илм низ ба натиҷаҳои назаррас муввафақ гардида муаллифи зиёда аз 20 мақолаҳои илмӣ буда, иштирокчии фаъоли конфронсҳои илмии ҷумҳуриявӣ ва байналхалқӣ мебошад.
Ҳоҷиев Абдурашид Саидович, муовини декан оид корҳои тарбия, 
муаллими калон
Ҳоҷиев Абдурашид Саидович миллаташ тоҷик, маълумоташ олӣ, соли 2009 факултети тиҷорат, фаъолияти гумрукӣ ва ҳуқуқи Комплекси ягонаи таълимии Донишгоҳи давлатии тиҷоратии Тоҷикистон (ҳоло Донишкадаи иқтисод ва савдои донишгоҳи давлатии тиҷоратии Тоҷикистон)-ро хатм намудааст. Соли 2009 фаъолияти кориашро ҳамчун омўзгор дар кафедраи менеҷмент ва маркетинги Комплекси ягонаи таълимии Донишгоҳи давлатии тиҷоратии Тоҷикистон оғоз намудааст. Соли 2010 ба ҳайси омўзгори дар кафедраи менеҷменти Донишкадаи иқтисод ва савдои Донишгоҳи давлатии тиҷоратии Тоҷикистон кор кардааст.
Аз соли 2017 дар вазифаи муовини декан оид ба корҳои тарбиявӣ дар факултети тиҷорат, фаъолияти гумрукӣ ва ҳуқуқи Муассисаи давлатии таълимии Донишкадаи иқтисод ва савдои Донишгоҳи давлатии тиҷорати Тоҷикистон кор карда истодааст.
