Шуъбаи курсҳои тайёрӣ

Маълумотнома оид ба фаъолияти шўъбаи тайёрии Донишкадаи иқтисод ва савдои ДДТТ.

Шўъбаи тайёрии ДИС ДДТТ дар асоси иҷозатномаи Вазорати маорифи ҶТ ташкил шуда, мувофиқи Низомнома, ки дар Шўрои олимони донишкада аз санаи 5 январи соли 2010 тасдиқ гардидааст, фаъолият мебарад.

Барномаи таҳсилот дар курсҳои тайёрӣ дар асоси барномаи имтиҳонии Маркази миллии тестии назди Президенти ҶТ ба роҳ монда шуда, шунавандагонро асосан ба ихтисосҳои кластерҳои 2 ва 4 тайёр менамояд.

Вазифаи асосии шўъба иборат аз таҳия ва омода намудани маълумотномаҳо оид ба фаъолияти шўъбаи тайёрӣ, ихтисосҳои донишгоҳ, тарзи таҳсил барои ҷалби бештари шунавандагон мебошад. Инчунин додани эълонҳо тариқи ширкати телевизион ва радиошунавоӣ, вохўриҳо бо хатмкунандагони мактабҳои таҳсилоти миёнаи вил. Суғд, қабули ҳуҷҷатҳои шунавандагон мебошанд.

Аз оғози ташкили шўъбаи курсҳои тайёрӣ вазифаи мудири шўъбаро н.и.ҳ., дотсент Тоҷибоев Ш.А. ба ўҳда доштанд.

Аз моҳи сентябри соли 2015 то ин ҷониб вазифаи мудири шўъбаи курсҳои тайёрӣ ба зимаи Тошматова Ш.А. вогузошта шудааст.

Шўъбаи тайёрӣ аз роҳбарияти шўъба – мудири шўъба, танзимгар – методист ва ҳайати омўзгорон иборат аст.

 Ҳар сол дар шўъбаи тайёрӣ гурўҳҳо бо забонҳои тоҷикӣ ва русӣ ташкил меёбад, ки дар он бештар аз 100-120 нафар шунавандагон таҳсил менамоянд.

 Дар соли хониши гузашта шумораи шунавандагони курсҳои тайёрӣ ба 121 нафар расида буд, ки аз он 53 нафарашонро духтарон ва 68 нафарашонро писарон ташкил медоданд.

 Ҳар сол зиёда аз 90 %-и онҳо ба донишкадаҳо тавассути ММТ дохил мешаванд, ки бештари онҳо пурра ихтисосҳои ДИС ДДТТ-ро итихоб менамоянд.

 Мақсади асосии шўъба барои таҳсил ба мактабҳои олии кишвар бештар ҷалб намудани хатмкунандагони лаёқатманд мебошад, ки онҳо баъд аз хатм барои рушду равнақи иқтисодиёти Ватанамон бештар саҳмгузор шуда тавонанд.