Корҳои тарбиявӣ қисми таркибии таълим ба шумор рафта, барои тайёр кардани мутахассисони ботаҷриба дар Донишкадаи иқтисод ва савдои Донишгоҳи давлатии тиҷорати Тоҷикистон муҳим маҳсуб меёбад. Вазифаи мудири шуъбаи тарбия ва фарҳанг ба уҳдаи муаллими калони кафедраи забонҳои тоҷикӣ ва русӣ Ашрапова Матлюба Комиловна вогузор гардидааст.
Асоси ҳуқуқии корҳои тарбиявиро дар Донишкада Паём, баромад ва суханрониҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Консепсияи миллии тарбия дар Ҷумҳурии Тоҷикистон (аз 3 марти соли 2006), қарори ҷаласаи назоратии Вазири маориф ва илми Ҷумҳурии Тоҷикистон “Оид ба вазъи амалишавии Консепсияи миллии тарбия дар муассисаҳои таҳсилоти олии касбӣ” (аз 20 июни соли 2012, № 42/1-1), Қонунҳои Ҷумҳурии Тоҷикистон “Дар бораи ҷавонон ва сиёсати давлатии ҷавонон” (аз 15 июли соли 2004), “Дар бораи маориф” (аз 17 майи соли 2004 ва бо тағйироту иловаҳо соли 2013), “Дар бораи тарбияи ҷисмонӣ ва варзиш” (аз 5 марти соли 2007), “Дар бораи масъулияти падару модар дар таълиму тарбияи фарзанд”(аз 24 декабри соли 2010), фармони вазири маориф ва илми Ҷумҳурии Тоҷикистон оид ба баланд бардоштани сатҳи дониш, дараҷаи чаҳонбинию хештаншиносӣ (аз 24 апрели соли 2006, № 322), дастуру супоришҳо вобаста ба соҳаи таҳсилоти олии касбӣ аз ҷаласаи ҷамъбастии Ҳукумати Ҷумҳурии Тоҷикистон ва қарору нақшаи чорабиниҳои Мақомоти иҷроияи ҳокимияти давлатии вилояти Суғд ва шаҳри Хуҷанд ташкил медиҳанд.
Самтҳои асосии фаъолияти шуъбаи тарбия ва фарҳанг
- Омӯзиши баромадҳо ва Паёми Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон.
- Омӯзонидани рамзҳои давлатӣ, муқаддасот, қарору қонунҳои давлатӣ ба донишҷӯён.
- Ташкили соатҳои тарбиявӣ оид ба камолоти сиёсиву худшиносии миллӣ, ватандориву ватанпарастӣ, эҳтироми арзишҳои миллӣ.
- Тарбияи ҳаёти солим, ташкили чорабиниҳои варзишӣ дар байни устодон ва донишҷӯёни донишкада.
- Тарбияи ҳуқуқии донишҷӯён, ташкили чорабиниҳо алай ҳи мубориза ба муқобили ғояҳои иртиҷоии ҳизбу ҳарактҳои ғайриқонунӣ, пешгирии содиршавии ҷиноят дар байни ҷавонон.
- Тарбияи завқи бадеии донишҷӯён тавассути ташкили дастаҳои ҳунарӣ, маҳфили ҳозирҷавобон, шаби эҷодӣ.
- Тарбияи маънавӣ, забондонӣ, рушди фарҳанги ҷавонон, ташаккули тафаккури зебопарастӣ, омӯзиши осори ниёгон.
- Ташкили сайру саёҳат ба мавзеъҳои таърихии кишвар ва осорхонаҳо.
- Гузаронидани вохӯрӣ, мизи мудаввар, шаби эҷодӣ бо адибон ва шахсони барӯманди кишвар.
- Дар синфхонаҳо ташкил кардани гӯшаҳои гурӯҳ, рамзҳои давлатӣ, лавҳаи Қаҳрамонони Тоҷикистон ва шиору овезаҳо оид ба гуфтори бузургон.
- Пурзӯр намудани кори Шӯрои сарпарастон.
- Муайян намудани сарпарасти беҳтарин ва гурӯҳи беҳтарин дар ҷамъбасти пешрафту давомоти донишҷӯён.
- Назорати раванди тарбия дар хобгоҳ.
- Сарпарастӣ, алоқа бо волидайн ва кӯмак намудан ба донишҷӯёни ятим, маъюб, бепарастормонда.
- Ҳамоҳангсозии фаъолияти Шӯрои занону духтарон, собиқадорони меҳнат, Созмони ҷавонон, кумитаи падару модарон, иттифоқи касаба.
- Ташкили иштироки фаъолонаи устодон ва донишҷӯён дар корҳои ҷамъиятии донишкада, чорабиниҳои шаҳрӣ ва вилоятӣ.
Баҳри дар амал татбиқ намудани унсурҳои Консепсияи миллии тарбия дар Донишкадаи иқтисод ва савдои ДДТТ нақшаи корҳои тарбиявӣ ва номгӯи мавзӯъҳои машғулияти тарбиявӣ барои соли таҳсил таҳия ва тасдиқ мегардад. Ҳамчунин, нақшаи корҳои тарбиявӣ дар факултаҳои иқтисодиёт ва технологияҳои инноватсионӣ; тиҷорат, фаъолияти гумрук ва ҳуқуқ; молия ва баҳисобгирии бухгалтерӣ, хобгоҳи донишкада, кумитаи иттифоқи касаба, Шӯрои занон ва духтарони факултаҳо, Созмони ҷавонон, бахши варзиш, Шӯрои собиқадорони ҷангу меҳнат тасдиқ карда, аз рӯи онҳо корбарӣ мегардад. Дар Донишкадаи иқтисод ва савдои ДДТТ ба масоили тарбияи мутахассисон дар руҳияи баланди ватандӯстӣ, хештаншиносӣ, худогоҳӣ ва ифтихор аз муқаддасоти миллӣ аҳамияти ҷиддӣ дода мешавад.
Шуъбаи тарбия ва фарҳанг як сохтори таркибии донишкада буда, дар асоси Оинномаи Донишкада ва Низомнома амал менамояд. Донишҷўёни ДИС ДДТТ дар ҳамаи чорабиниҳои фарҳангиву сиёсии шаҳрӣ, вилоятӣ ва ҷумҳуриявӣ фаъолона иштирок менамоянд. Соли 2015 бо ҷалби донишҷўёни лаёқатманд дастаи ҳунарии «Садои ҷавонӣ» таъсис дода шуд. Дастаи ҳунарии «Садои ҷавонӣ», ки ба он 15 нафар донишҷўёни лаёқатманд аъзо ҳастанд, бахшида ба санаҳои таърихию сиёсӣ чорабиниҳои фарҳангӣ баргузор менамоянд.
Дар Донишкада дастаи ҳозирҷавобон фаъолият мекунад, ки соҳиби ҷойи аввал ва ифтихорномаҳо дар байни мактабҳои олии вилоят гардидааст. Аёдати Хонаи пиронсолону маъюбон ва хонаи кўдакон, расонидани кўмаки моддӣ ба онҳо аз ҷониби сарпарастону донишҷўён ҳамасола ба роҳ монда мешаванд. Бахшида ба санаҳои таърихӣ, ба монанди Рўзи таъсисёбии Артиши миллӣ, Иди модар, Наврўзи байналмилалӣ, Рўзи Ғалаба, моҳи ҷавонон, Рўзи Ваҳдати миллӣ, Иди Истиқлолияти давлатӣ, Рўзи Конститутсияи Ҷумҳурии Тоҷикистон, Рўзи Парчами давлатӣ дар донишкада вохўрӣ, мизҳои мудаввар, чорабиниҳои адабӣ, конфронсҳо, семинару барномаҳои фарҳангӣ ташкил карда мешаванд.
Дар Донишкада чорабиниҳои зиёд оид ба пешгирии ҳодисаҳои номатлуб дар байни донишҷўён, гаравиши ҷавонон ба ҳаракату равияҳои бегонаву хатарнок, ба қочоқ ё фурўши маводи мухаддир даст задании онҳо, қонуншиканӣ, шомил шудан ба гурўҳҳои муташаккили ҷиноӣ ва тақлид ба расму ойин ва тарзи либоспўшии барои мардуми мо бегона дар ҳамаи соатҳои тарбиявӣ аз ҷониби деканҳои факултаҳо, муовини деканҳо оид ба тарбия ва сарпарастон муҳокима ва баррасӣ карда мешаванд. Вобаста ба ин мавзўъҳо, вохўрии донишҷўён бо намояндагони мақомоти ҳифзи ҳуқуқ, прокуратураи вилояти Суғд, шуъбаи пешгирии ҷинояти коррупсионии Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд мунтазам баргузор мегардад.
Дар гурўҳҳо машғулиятҳои тарбиявӣ дар мавзўъҳои «Экстремизм динӣ ва оқибатҳои фоҷиабори он дар ҷомеа», «Ифротгароӣ ва терроризм – хилофи мазҳаби ҳанафӣ», «Ҷинояткорӣ дар байни ҷавонон ва роҳҳои пешгирии он», «Фарзанди хуб – боғи падар, фарзанди бад – доғи падар» гузаронида мешаванд.
Дар Донишкадаи иқтисод ва савдои Донишгоҳи давлатии тиҷорати Тоҷикистон бахшида ба таҷлили 700- солагии Мир Саид Алии Ҳамадонӣ, 3000- солагии Ҳисори шодмон, 150- солагии Нақибхон Туғрал, 600- солагии Мавлоно Абдурраҳмони Ҷомӣ, 700-солагии Камоли Хуҷандӣ, 110-солагии Мирзо Турсунзода, 80-солагии Лоиқ Шералӣ ва дигар ҷашнҳои таърихӣ нақшаи чорабиниҳо таҳия ва тасдиқ гардида, мутобиқан тадбирҳои зиёди адабиву фарҳангӣ гузаронида шуданд. Инчунин, вохўрӣ, мизҳои мудаввар, шаби эҷодӣ бо аҳли адибони вилоят, ходимони давлатию сиёсӣ баргузор гардиданд.
