Category: Без рубрики

Dec 02

Elementor #41219

Рушди соҳаи хизматрасонӣ дар шароити рақамикунонӣ.// Маҷмӯаи  мақолаҳои илмии иштирокчиёни  конференсияи байналмилалии илмӣ-амалӣ  (31 октябри соли 2025).- Хуҷанд,  Матбаии Парки технологии ДИС ДДТТ, 2025.-266с.

 Конференсияи байналмилалии илмию амалӣ дар мавзуи “Рушди соҳаи хизматрасонӣ дар шароити рақамикунонӣ” ба рушди соҳаи хизматрасонӣ дар шароити рақамикунонӣ бахшида шудааст. Рақамикунонӣ равандҳои хизматрасониро самаранок мекунад, дастрасиро осон мегардонад ва сифати хизматрасониро баланд мебардорад. Конфронсӣ байналмилалӣ, таҷриба ва навовариҳои соҳаи хизматрасониро баррасӣ намуда, технологияҳои онлайн ва барномаҳои мобилӣ, таҳлилҳои иттилоотӣ ва раванди рақамиро меомӯзад.  Иштирокчиён, аз ҷумла роҳбарон ва соҳибкорон, дар бораи имкониятҳои рақамӣ ва таҷрибаҳои беҳтарини байналмилалӣ маълумот хоҳанд гирифт. Ҳадаф афзоиши фарогирӣ, самаранокӣ ва ҳамкорӣ дар байни бахшҳо бо истифода аз технологияҳои муосир мебошад.

Oct 03

Таваҷҷуҳ!

    Ба таваҷҷуҳи ҳамаи устодон, кормандон ва донишҷӯёни Донишкадаи иқтисод ва савдои Донишгоҳи давлатии тиҷорати Тоҷикистон расонида мешавад, ки бо қарори Шӯрои олимони Донишкада рамз (логотип)-и расмии нави муассиса қабул карда шуд.

1. Намуди асосӣ

2.Намуди иловагӣ

    Рамзи мазкур бо дигар рамзҳои МТОК муқоиса карда шуда, ба ягон аз рамзҳои мавҷудбуда монандӣ надорад. Доштани рамз ба намуди уқоб барои дар оянда сохтани брэнд ва зуд шинохтану дар хотир мондан таъсир мерасонад.

    Ба таври фишурда, маънои рамзи донишкадаро чунин шарҳ додан мумкин аст:

    1. «Рамзи ДИС ДДТТ» – рамзи маърифат, дониш ва хирадмандиро ифода мекунад.
    2. Уқоб – нишони боистеъдод, лаёқатманд ва қобилияти зиёди донишомӯзӣ доштанро ифода менамояд. Мазмуни дигараш тезҳӯш, чаққон, дурандеш ва ояндабин мебошад. Уқоб сарпӯши академикӣ дорад, ки даврони таҳсил ва донишҷӯиро инъикос менамояд.
    3. Китоб – рамзи илму дониш ва маърифатнокиро ифода менамояд. Ҳамчунин нишони хирадмандӣ, донишмандӣ, ихтироъкорӣ ва дорои фарҳанги воло буданро инъикос менамояд.
    4. Нури офтоб ва кӯҳ ҳам рамзҳои вобаста ба Тоҷикистон буда, аз дигар тараф мазмуни равшанӣ, маърифат ва ба қуллаҳои баланд расиданро ифода менамоянд.
    5. 1933 – таърихи таъсисёбии ДИС ДДТТ-ро мефаҳмонад.

    Дар солҳои охир Донишкадаи иқтисод ва савдои ДДТТ ба бисёр муваффақиятҳои шоиста ноил гашта, тағйиротҳои зиёд барои беҳбудии сифати таълим, зиёдшавии шумораи донишҷӯён, густариши робитаҳои байналмилалӣ, амалисозии лоиҳаҳои гуногуни байналмилалӣ ба мушоҳида мерасад. Илова бар ин Донишкада соҳиби як мақом ва ҷойгоҳии муайянро дар сатҳи Ҷумҳурии Тоҷикистон ишғол намуда, дар байни шаҳрвандон дорои рейтинги баланд мебошад.

    Таҷрибаҳои донишгоҳҳои хориҷа нишон медиҳанд, ки барои дар хотир сабт кардани нишону рамзи Донишкада, ки ҳадафҳои муассисаро дарҷ мекунанд, аз тасвири хотирмон, ки дорои мазмуни баланд мебошад, истифода мебаранд.

    Рамзи Донишкада метавонад муаррифгари муассисаи таълимии мо гардад ва мо бо доштани он ифтихор намуда, аз он ба тариқи васеъ истифода барем, дастоварду комёбиҳои хешро маҳз бо сабти рамзи Донишкада инъикос намоем.

    Рамзи мазкур дар ду намуд омода шудааст.

    1. Намуди асосӣ: https://iet.tj/…/uploads/2025/10/newlogo_IET_2025.png

2.Намуди иловагӣ: https://iet.tj/…/806b9c85-c95a-452e-b0b2-2a1add2e3e28.png

    Аз ҳамаи устодон, кормандон ва донишҷӯён хоҳиш карда мешавад, ки минбаъд аз дар ҳамаи намуди корҳо аз ин рамз (логотип) истифода баранд!

Раёсати ДИС ДДТТ

Sep 30

ИҒВОГАРИ ИФРОТГАРО

Мо борҳо нисбат ба баромадҳои иғвоангезонаи яке аз пайравони фаъоли наҳзат-Муҳаммадиқболи Садриддин андешаҳои хешро баён намуда, онро шадидан маҳкум карда будем. Ин навбат низ вобаста ба афроди гумроҳшудаи иғвоангези фирорӣ, ки имрўзҳо бо пуштибонии хоҷагони хориҷиаш дар яке аз кишварҳои Аврупо паноҳ ёфта,солҳои қаблӣ ва дар давоми соли ҷорӣ тавассути шабакаҳои иҷтимоӣ, амиқтараш дар канали YouTube- “Ислоҳ.тv.”, дар барномаи “Минбари муҳоҷир”бо ҷалби шогирду пайравонаш, аз ҷумла Абухалил Восиев ва Муҳаммад Тағоев

                                                                           

баромад намуда, бештар интишори матлаби иғвоангез паҳн карда истодааст. Баромаду сабтҳои видеоӣ ва аудиоии М.Садриддину думравонаш танҳо суханони беасосу бедалел, туҳматангез ва иғвогарона инъикос ёфтаасту халос. Умуман, аз суханрониҳои М.Садридин возеҳу равшан мушоҳида мешавад, ки ҳадаф аз роҳандозӣ намудан ва таблиғи андешаҳои ботил ин пеш аз ҳама ноором намудан ва рахна сохтан ба девори сулҳу субот, барҳам задани уммеду орзуи мардум ва дар вазъияти ногувор гирифтор намудани ҷомеаи имрўзаи кишвар мебошад.Роҳгумзади ифротии зикршуда зимни ҷустуҷӯи сарчашмаи моҷаро як ҳодисаи тасодуфиро гирифта, дар барномаҳои ифротиаш «аз пашша фил месозад», дар атрофи он ҳар гуна ҳиллаҳо бофта, мардумро бе асоси воқеӣ ба иғво меандозад. Маълумоте, ки М. Садриддин паҳн мекунад, пур аз тӯҳмат ва таблиғи хушунат алайҳи мардуми тоҷик аст.Умуман, гуфтору рафтори М.Садриддин бори дигар собит мекунад, ки чунин шахсиятҳои иғвогари ифротгаро, аъмоли он гувоҳ аст, ки ин гуна афрод ватан, миллат ва дину мазҳаб надорад. Такрор ба такрор қайд менамоем, ки М. Садриддин, яке аз афроде мебошад, ки аз шукуфоии Тоҷикистони имрӯза дар таҳлука афтодааст. Ба М.Садриддину шогирдону думравонаш гуфтанием, ки аз ҳар минбару барномаҳои ифротиашон номи Тоҷикистонро ба забон наоранд!Чунки ин тӯдаи роҳгумзадаи ифротӣ иғвогар дар асл ватанфурўши бешараф ҳаст, ки таърих гувоҳ аст. Ба далелҳои раднопазир, ки дар филми хуҷҷатии кисми 7-уми “Хиёнат” бо номи “Бешарафӣ” ёдовар гашта, андеша намояд. М.Садриддинро хотиррасон менамоем, ки тоҷики меҳанпараст гарчанде новобаста берун аз кишвар зиндагӣ ва ё муҳоҷирати меҳнатӣ қарор дошта бошад ҳам, ватани худро дӯст медоранд ва баҳри ҳифзи сулҳу субот камари ҳиммат баста, маъруфгари Тоҷикистони соҳибистиқлол мебошанду обрую нуфузашро баланд бардошта, бо ин васила, саҳми арзандаи хешро мегузоранд. Дар фароварди андешаи хеш иброз медорем,ки мо ҷавонони боору номуси кишвар тӯҳмату ғайбат ва бадгумонии М.Садриддинро-ро шадидан маҳкум карда, намегузорем, ки нохалаф бар зидди кишвари соҳибистиқлоламон сухан гўяд!

А.ВАЛИЕВ,
ассистенти кафедраи
иқтисодиёт ва соҳибкорӣ

Mar 05

НАҚШ ВА МАҚОМИ ЗАНОН ДАР ҶОМЕАИ ТОҶИКИСТОН

Занону модарони мо ҳанӯз дар оғози даврони Истиқлоли давлатӣ ба хотири ҳифзи ҳуқуқу озодиҳои худ ва ба эътидол овардани вазъи кишвар азму талош карда, дар роҳи расидан ба сулҳу субот ва Ваҳдати миллӣ саҳми арзишманд гузоштанд.

Эмомалӣ Раҳмон

      Дар таъриху фарҳанги халқи тоҷик иззату эҳтироми зан – модар ҳамеша ҷойгоҳи махсусро дорад. Зеро, зан- модар аввалин мураббии инсон аст ва тарбияи ҳар як шахс аз домони поки ӯ оғоз мешавад. Зан ҳамчун модар тамоми хислатҳои неки инсониро ба кӯдак ба таври табиӣ интиқол медиҳад ва ҳар рафтору ахлоқи модар ба ақлу хислати фарзанд таъсири бевосита мегузорад. Аз ин ҷост, ки агар зан – модар бомаърифату босавод гардад, давлату миллат ҳам ботаълиму ботарбия мегардад. Бинобар ин, ба ҷо овардани иззату эҳтиром нисбати модарону занон ва бонувону духтарон, вазифаи мардону писарон ба шумор меравад.
Ба шарофати Истиқлоли давлатӣ ва бо дастгириҳои бевоситаи Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон мақоми занону бонувон дар ҷомеа баланд гашта, фаъолияти онҳо дар вазифаҳои роҳбарии шохаҳои гуногуни ҳокимияти давлатӣ, дигар соҳаҳои иҷтимоӣ ва иқтисодӣ, корхонаҳои давлатӣ ва бахши хусусӣ бамаротиб афзоиш ёфт.
Тибқи маълумоти оморӣ 49,3 фоизи аҳолии кишварро занон ташкил медиҳанд ва имрӯз дар кишвар соҳае нест, ки занону бонувон дар он фаъолияти пурсамар надошта бошанд .
Занону духтарони лаёқатманд ва кордону ташаббускор ба хизмати давлатӣ ва идоракунии давлатӣ торафт бештар ҷалб гардида истодаанд. Инчунин,саҳми занону духтарон дар рушди соҳаҳои илму маориф, фарҳанг, тандурустӣ ва дигар самтҳои ҳаёти иҷтимоиву иқтисодии кишвар торафт афзун шуда истодааст.
Ҳоло дар кишвар 25 фоизи хизматчиёни давлатӣ, 73 фоизи кормандони соҳаи маориф, 71 фоизи кормандони соҳаи тиб, 47 фоизи кормандони соҳаи фарҳанг, 37 фоизи олимон ва 30 фоизи соҳибкоронро бонувону занон ташкил медиҳанд. Имрӯз беш аз 110 ҳазор бонувону занони кишвар ба фаъолияти соҳибкорӣ машғул мебошанд.
Дар замони соҳибистиқлолӣ зиёда аз 280 ҳазор нафар духтарон муассисаҳои таҳсилоти олиро хатм кардаанд, яъне соҳиби маълумоти олӣ гардидаанд. Аз оғози ҷорӣ гардидани квотаи президентӣ, яъне дар 28 соли охир 11 ҳазору 600 нафар духтарон муассисаҳои таҳсилоти олиро бо квотаи президентӣ хатм кардаанд. Илова бар ин, зиёда аз 35 ҳазор духтарону бонувон муассисаҳои таҳсилоти олии кишварҳои хориҷиро хатм карда, соҳибмаълумот шудаанд. Ҳоло аз 214 ҳазор нафар донишҷӯёни муассисаҳои таҳсилоти олии касбии кишвар 90 ҳазор нафар ё 42 фоизро духтарон ташкил медиҳанд.
Ҷумҳурии Тоҷикистон баъди расидан ба Истиқлоли давлатӣ ба гирдоби ҷанги таҳмилии шаҳрвандӣ афтод. Дар он айёми бисёр мудҳишу вазнин, ки фаъолияти сохтору мақомотҳои давлатӣ пурра фалаҷ гардида буданд, занону модарони тоҷик барои ба эътидол овардани вазъи кишвар азму талош варзида, дар роҳи расидан ба сулҳу субот ва ваҳдати миллӣ саҳми арзандаи худро гузоштанд. Айни ҳол, ҳазорҳо нафар занону бонувони қавиирода ва ҷасуру далери кишвари мо дар сафи Қувваҳои Мусаллаҳ ва мақомоти ҳифзи ҳуқуқ хизмати Модар – Ватанро адо карда, дар ҳифзи марзу буми кишвар ва тартиботу оромии ҷомеа баробари мардон адои вазифа карда истодаанд.
Ҳукумати кишвар, барои дастгирӣ ва ҳалли мушкилоти занону бонувон тамоми тадбирҳои заруриро амалӣ карда истодааст. Ҳоло дар ин самт якчанд стратегияву консепсия ва барномаҳои давлатӣ қабул гаштаанд. Пеш аз ҳама, Конститутсияи Ҷумҳурии Тоҷикистон аз 6 ноябри соли 1994, ки баробарии ҳуқуқу озодиҳои мардону занонро кафолат медиҳад ва баробари ин, як қатор барномаҳои давлатӣ ва стратегияҳо миллӣ ,аз ҷумла “Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону бонувони болаёқат барои солҳои 2017–2022” ва қабули барномаи нави мазкур барои солҳои 2023-2030, “Стратегияи миллии фаъолгардонии нақши занон дар Ҷумҳурии Тоҷикистон барои солҳои 2011–2020” ва нақшаи амалисозии он барои солҳои 2015–2020 ва қабули Стратегияи нави мазкур барои солҳои 2021 – 2030 ва нақшаи амалисозии он барои солҳои 2021 – 2025 таҳия ва ба тасвиб расонида, давра ба давра амали шуда истодаанд.
Бо мақсади ҳифз ва таъмини ҳуқуқу манфиатҳои занону оила ва барои кӯмаки ҳамаҷониба дар баланд бардоштани мақоми занон дар ҷомеа Кумитаи кор бо занон ва оилаи назди Ҳукумати Ҷумҳурии Тоҷикистон таъсис дода шуд. Дар баробари ин, дар кишвари мо, дигар санадҳои ҳуққуқӣ ва барномаҳои давлатӣ қабул шуданд, ки барои баланд бардоштани мақоми занон дар ҷомеа кафолат медиҳанд.
Ҷумҳурии Тоҷикистон бо Созмони Миллали Муттаҳид ҳамкории судманд менамояд ва Конвенсияи ин Созмонро дар бораи барњам додани тамоми шаклњои табъиз нисбати занон, Эъломияи умумии ҳуқуқи башар ва дигар конвенсияҳои байналмилалӣ оид ба муњофизати њуќуќи инсон, занон ва кӯдакон пурра дастгирӣ менамояд.
Кишвари мо, ҳамчунин бо Иттиҳоди Аврупо, Созмони амният ва ҳамкорӣ дар Аврупо ва бо сохторҳои минтақавӣ Иттиҳоди Давлатҳои Мустақил ва Созмони ҳамкории Шанхай нисбат ба масъалаҳои гендерӣ ва баланд бардоштани мақоми занон дар ҷомеа ҳамкорӣ менамояд.
Занону духтарони ҳунарманди тоҷик ғайр аз кору фаъолияти пурсамар дар соҳаҳои мухталифи кишвар дар озмунҳои минтақавӣ ва байналмилалӣ низ иштирок карда, соҳиби ҷоизаву ҷойҳои ифтихорӣ гардида истодаанд. Дар ин росто, онҳо имрӯз эҳёкунандаву нигоҳдоранда ва тарғибкунандаву посдорандаи фарҳангу таърих ва анъанаҳои миллии халқи тоҷик мебошанд. Маҳсули эҷоди бонувони ҳунарманд ва чеварону заргарони тоҷик дар якчанд намоишгоҳҳои сатҳи минтақавию ҷаҳонӣ гузошта шуда, маҳорату истеъдоди занону бонувони моҳири тоҷик баҳои баланд гирифт.
Ҳамин тариқ, маҳз ба шарофати Истиқлоли давлатӣ ва дастгириҳои ҳамаҷонибаи Президенти кишвар муҳтарам Эмомалӣ Раҳмон, мақоми занону бонувон дар тамоми соҳаҳои ҳаёти ҷомеа боз ҳам баланд гашт ва вазъи иҷтимоии онҳо беҳтар шуд. Кишвари мо, минбаъд ташаббусҳои занону бонувонро ҳамаҷониба дастгирӣ карда, барои баланд бардоштани мақом ва сатҳи маърифати онҳо, аз ҷумла омӯзонидани илму дониш, касбу ҳунар ва муҳайё кардани ҷойҳои корӣ ҳамаи тадбирҳои заруриро меандешад. Вобаста ба ин, занону бонувон ҳунару истеъдод, кӯшишу ғайрат, қобилияти ташкилӣ ва маҳорату кордонии худ худро ҷиҳати татбиқи сиёсати давлатӣ ва пешрафту ободии ҷомеа равона намоянд. Зеро, саҳми онҳо дар рушду инкишофи давлат ва ҳалли масъалаҳои муҳими ҷомеа бузург арзёбӣ мегардад.

Ҳошимов Фирӯз Ҷабборович,
муаллими калони кафедраи
ҷомеашиносии ДИС ДДТТ
дар ш.Хуҷанд

Dec 24

ТЕРРОРИЗМ ВА ЭКСТРЕМИЗМ – МУШКИЛОТИ АСР ВА ТАҲДИДҲОИ НАВ

Имрӯз яке аз амалҳои номатлуби бениҳоят хатарнок ин терроризм ва экстремизм, мебошад, ки ҳамчун ҷинояти дорои хусусияти байналмилалӣ эътироф шудааст. Бе ягон шубҳа бояд қайд кард, ки манфиатҳои сиёсии кишварҳои абарқудрат аксаран зери шиори ҳифзу эҳёи дин тарғиб гардида, омилҳои динӣ асоси нооромиву низоъ дар кишварҳои гуногун гаштаанд. Пушида нест, ки дар ҷаҳони муосир доираҳои муайяне мавҷуданд, ки дар ноором сохтани вазъи сиёсии кишварҳои минтақа даст дошта, бо ин роҳ мехоҳанд ҳадафҳои иқтисодии худро пиёда созанд.
Тибқи маълумоти сарчашмаҳои боэътимоди байналмилалӣ айни ҳол дар ҷаҳон тақрибан 500 ҳизбу ҳаракатҳои динӣ – экстремистӣ ва созмону ташкилотҳои террористӣ амал мекунанд, ки дар як даҳсолаи охир садҳо ҳазор нафар мардуми осоишта қурбони амалҳои террористӣ ва экстремистӣ гардида, ҳазорҳо нафари дигар маъюбу корношоям шуданд. Имрӯзҳо вобаста аз вазъи кунуни Сурия ва Афғонистон, алалхусус аъзоёни ташкилоти терористӣ бо ном Давлати исломии Ироқу Шом (ДИИШ ва ё “Давлати исломӣ”), Ал-Қоида ва дигар равияњои ифротї дар кишварҳои зикршуда маскан гирифта, ошкорро фаъолият доранд. Cозмону ҳаракат ва гурӯҳҳои террористии зикршуда ва амсоли инҳо, аз ҷониби як қатор давлатҳо ва созмонҳои байналмилалӣ ҳамчун ташкилотҳои террористӣ-экстремистӣ дониста шудаанд, ки ҳадафу мароми аслии онҳо бо густурда намудани фаъолияти худ зимни анҷом додани амалу кирдори ҷинояткорона нуфузу эътибори сиёсӣ пайдо кардан мебошад. Баробари ин, созмон бо номи “Таҳрир аш-Шом” (аз соли 2018 дар феҳристи созмонҳои террористӣ дар Амрико аст) босуръат шаҳрҳои Сурияро яке паси дигар ишғол менамоянд.Ҷанги дохилӣ дар Сурия нисбатан ба эътидол омада бошад ҳам, ҳоло суриҳо ба хотири ба қудрат расидани як гурӯҳи шибҳинизомӣ, ки решаҳояш ба “Ал-Қоида” ва “Давлати исломӣ” рабт дорад,ки ба ҳолати ногувор оварданаш аз эҳтимол дур нест. Ҳамаи ин воқеияту руйдодҳо аз он таъкид менамояд, ки мушкилоти аср ва таҳдидҳои нав ба тамаддуни башарӣ мунтазам афзоиш ёфта, амнияти давлатҳои хурду бузурги олам ва ҳатто тақдири тамоми аҳли башарро ба хаттари ҷиддӣ рӯ ба рӯ сохтаанд. Бинобар ин нагирифтани пеши роҳи ин хатари умумибашарӣ метавонад боз ҳазорҳо мардуми осоиштаро аз ҳаёт маҳрум созад, зеро дар қалбу вуҷуди гуруњњои террористиву экстремистї, ки чунин зулму ситам ва афкору андешаи ҷоҳилона ҷой гирифтааст, ба ҷуз бадбахтӣ ва маҳрумият овардан дигар андешаи солиме ҷой надорад.
Дар интиҳои андешаи худ бояд қайд кард, ки дар шароити кунунӣ вазифаи ҳар фарди ватанпарвару миллатдӯст, алалхусус, ҷавонон, ки неруи асосии пешбарандаи ҷомеа маҳсуб меёбанд, аз он иборат аст,ки ба равандҳои ҷорӣ ва тавсеаи зуҳуроти номатлуб бо диди огоҳона назар карда, барои ҳифзи сулҳу Ваҳдати миллӣ, осоиши зиндагӣ ва таъмини рушду тараққиёти Ватани азиз аз худ нақше бар ҷой гузорад. Сулҳ, озодӣ, ваҳдат, якдилӣ, ободие, ки имрӯз Тоҷикистони маҳбуб дорад, чун гавҳараки чашм ҳифз намуда, арзишҳои беҳтаринеро, ки сабабгори ҳаёти хурраму осуда ва саодатмандона аст, ҳамвора идома бахшанд.

Д.ҶОННАЗАРОВА,
устоди ДИС ДДТТ

Nov 28

Ҷамъбасти Спартакиада дар ДИС ДДТТ!

Бахшида ба Рӯзи Парчами давлатӣ дар ДИС ДДТТ спартакиадаи омӯзгорон баргузор гардид. Дар чорабинии мазкур мусобиқаҳои варзишӣ оид ба шашка, шоҳмот ва тенниси рӯи миз гузаронида шуданд.

   Дар спартакиада Инъомхӯҷа Бузруков-раиси иттифоқи касабаи кормандони соҳаи савдо, кооператсияи матлубот ва корхонаҳои хусусии вилояти Суғд, Хайруллохон Ҷамолов – раиси кумитаи иттифоқи касабаи муассисаҳои давлатӣ, Фарҳод Холмирзоев – муовини раиси иттифоқи касабаи кормандони соҳаи савдо, кооператсияи матлубот ва корхонаҳои хусусии вилояти Суғд иштирок намуда, рафти баргузории мусобиқаҳои варзиширо назорат намуданд. Дар натиҷа аз рӯи намуди шашка ғолибият насиби Нигина Муъминова, Матлуба Холназарова ва Адиба Ахмедова гардид. Дар намуди шоҳмот пирӯзӣ насиби Усмон Ҷабборов, Акбарҷон Аҳроров ва Муқаддас Набиева гашт. Дар мусобиқаи тенниси рӯи миз Садриддин Ғозибеков, Акмал Пӯлотов ва Саодат Аминҷонова пирӯз гардиданд. Дар поёни чорабинӣ дар вазъияти тантанавӣ ба ғолибон диплом, медал, сипоснома ва туҳфаҳои хотиравӣ супорида шуд.

Nov 18

ЭЪЛОН!!!

Шуъбаи таҳсилоти дуалӣ ва алоқа бо истеҳсолоти Донишкадаи Иқтисод ва Савдои Донишгоҳи Давлатии Тиҷорати Тоҷикистон, дар ҳамкорӣ бо ҶСК “Тавҳидбонк”, шартномаи сеҷониба бо донишҷӯён имзо мерасонад. Ин иқдом ба донишҷӯён имкон медиҳад, ки дар муҳити воқеии корӣ малакаҳои касбии худро такмил диҳанд ва ҳамзамон донишҳои таҷрибавии худро густариш диҳанд. Донишҷӯён дар вақти берун аз машғулиятҳои таълимӣ ба кор дар ҶСК “Тавҳидбонк” ҷалб мешаванд.

Пас аз гузаронидани санҷишҳои зарурӣ, донишҷӯён бо ҷойи корӣ дар ин ташкилот таъмин карда мешаванд.

Инчунин, “Тавҳидбонк” бар ивази фаъолияти донишҷӯён маблағи таҳсили онҳоро пардохт менамояд.

Шумораи ҷойҳои корӣ маҳдуд аст, бинобар ин довталабон бояд аз санҷишҳои зарурӣ гузаранд.

Афзалиятҳои ин иқдом:

  • Имконияти кор ва таҳсил дар як вақт.
  • Такмили малакаҳои касбӣ дар муҳити воқеии корӣ.
  • Ҷои кори доимӣ пас аз хатм.

Барои  бақайдгирӣ:
Ба Шуъбаи таҳсилоти дуалӣ ва алоқа бо истеҳсолот муроҷиат кунед (бинои таълимии №2, утоқи 314) ё тариқи почтаи электронии dual.edu.iet@gmail.com. Муроҷиат намоед.

Фурсатро аз даст надиҳед ва барои ояндаи касбии худ қадами устувор гузоред!