Факултаи “Тиҷорат, Фаъолияти Гумрукӣ ва Ҳуқуқ”

Декан – номзади илмҳои ҳуқуқшиносӣ, Тоҷибоев Ш.А.,

Факултети тиҷорат, фаъолияти гумрукӣ ва ҳуқуқ фаъолияти таълимӣ, таълимӣ – методӣ, илмӣ ва тарбиявии худро тибқи Конститутсияи Ҷумҳурии Тоҷикистон, Қонуни Ҷумҳурии Тоҷикистон «Дар бораи маориф», Қонуни Ҷумҳурии Тоҷикистон «Дар бораи таҳсилоти олии касбӣ ва таҳсилоти касбии баъд аз муассисаи олии таълимӣ», Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», Низомнома ва дастурамалҳои Вазорати маориф ва илми Ҷумҳурии Тоҷикистон, Оинномаи Донишкадаи иқтисод ва савдои Донишгоҳи давлатии тиҷорати Тоҷикистон ва дигар санадҳои меъёрии ҳуқуқии Ҷумҳурии Тоҷикистон дар соҳаи маориф ба роҳ мондааст.

Факултети тиҷорат, фаъолияти гумрукӣ ва ҳуқуқ ҳамчун ҷузъи таркибии Донишкадаи иқтисод ва савдои Донишгоҳи давлатии тиҷорати Тоҷикистон фаъолияти худро дар асоси фармони №03/53 аз 01 сентябри соли 2010 оғоз намудааст.

Дар сохтори таркибии факултет чор кафедра амал мекунад, ки яке аз онҳо кафедраи умумидонишгоҳӣ ба ҳисоб рафта, се кафедраи дигар тахассусӣ ба ҳисоб мераванд.

Кафедраи ҷомеашиносӣ дар таркиби факултаи тиҷорат, фаъолияти гумрукӣ ва ҳуқуқ қарор дошта, роҳбарии онро номзади илмҳои фалсафа, дотсент Ҷоназарова Д.Х. бар ўҳда дорад.

Кафедраи молшиносӣ ва фаъолияти гумрукӣ дар асоси қарори Шӯрои олимони ДДТТ аз сентябри соли 2010 дар ҳайати факултети тиҷорат, фаъолияти гумрукӣ ва ҳуқуқ таъсис ёфтаст.

Зарурияти таъсисёбии кафедра бо тағирёбии шароити иқтисодии Ҷумҳурии  Тоҷикистон бо ҳаёти соҳибистиқлолии имрӯзаи он, ки ба тайёр намудани мутахассисони соҳаҳои фаъолияти гумрукӣ, молшиносӣ ва экспертизаи молҳои истеъмолӣ ва иқтисодиёт ва ташкили истеҳсолот (саноати сабук) вобастагӣ дорад. Кафедра фаъолияти худро бо роҳбарии номзади илмҳои иқтисод, дотсент Ҷалолов Н.М. амалӣ менамояд.

Кафедраи менеҷмент бо роҳбарии доктори илмҳои иқтисод, профессор Ғозибеков С.А. фаъолияти таълимӣ, таълимӣ – методӣ, тарбиявӣ ва илмии худро баҳри тайёр намудани мутахассисон дар соҳаи «Менеҷмент» ва «Идораи мақомоти маҳаллӣ» равона кардааст.

Кафедраи тиҷорат ва ҳуқуқ ҷузъи сохтори таркибии факултет буда, фаъолияти таълимӣ, таълимӣ – методӣ, тарбиявӣ ва илмии он бо роҳбарии мудири кафедра номзади илмҳои ҳуқуқшиносӣ Ҳусаинова Ш.М. амалӣ гардида истодааст. Кафедра мутахассисонро аз рўи тахассусҳои маркетинг, тиҷорат, ҳуқуки иқтисодӣ ва ҳуқуқи байналмилалии тиҷоратӣ тайёр менамояд.

Ҳайати садорати факултети тиҷорат, фаъолияти гумрукӣ ва ҳуқуқ аз декан, муовинон оид ба таълим, илм ва тарбия, танзимгар ва котиба-оператор иборат мебошад.

Вазифаи декани факултет ба зиммаи Тоҷибоев Ш.А. номзади илмҳои ҳуқуқшиносӣ вогузошта шудааст.
Масъалаи таълим ба зиммаи муовини декан оид ба таълим Шарипов З.У. номзади илмҳои иқтисод, фаъолияти илми-тадқиқотии факулта ба зиммаи
Муовини декан оид ба илм Турсунова Г.Н., номзади илмҳои таърих, дотсент вогузошта шуда,
Масъалаҳои вобаста ба тарбия ва рушди ҷавононро Ҳоҷиев А.С. амалӣ менамояд. Ҳамчунин, котиба оператор Расулова М.Р.
Танзимгар Холназарова М.Б. мебошанд.

Ҳадафи асосии факултети тиҷорат, фаъолияти гумрукӣ ва ҳуқуқ бо ҳадафҳои асосии донишкада дар як сатҳ қарор дошта, он пеш аз ҳама ба амалӣ намудани дастуру супоришҳои Асосгузори сулҳу ваҳдати миллӣ–Пешвои Миллат, Президенти кишвар, муҳтарам Эмомалӣ Раҳмон оид ба тайёр намудани мутахассисони дар бозори меҳнат рақобатпазир равона гардидааст.

ЗАМИНАИ МОДДӢ-ТЕХНИКӢ

Амалӣ намудани ҷараёни таълим бидуни пояи хуби моддӣ-техникӣ ғайриимкон аст. Айни замон заминаи моддӣ-техникии факултаи тиҷорат, фаъолияти гумрукӣ ва ҳуқуқ ба талаботҳои стандартҳои давлатии таҳсилоти олии касбӣ ҷавобгў мебошад.

Ҷараёни таълим дар соли хониши 2016-2017 асосан дар бинои таълимии № 2 амалӣ гардид. Барои ташкили раванди таълим дар факултет 21 воҳид синфхонаҳо мавҷуд аст, ки ҷараёни таълимро фаро гирифтааст, аз ҷумла дар ошёнаи якум 3 синфхона ва 1 лаборатория, дар ошёнаи дуюм 1 синфхона, дар ошёнаи сеюм 15 синфхона ва дар бинои таълимии №3 як толори лексионӣ ташкил карда шудаанд.

Ҳамаи утоқҳои корӣ бо компютер, ноутбук, принтер ва дигар таҷҳизотҳои техникӣ муҷаҳҳаз гардонида шудаанд. Ҳамагӣ дар факултет ва кафедраҳои сохтории он 25 адад компютери фардӣ, 4 адад ноутбук, 12 адад принтер, 1 адад доскаи электронӣ ва 17 адад проектор мавҷуд аст.