Category: Анонсҳо

Nov 28

Ҷамбасти Спартакиада дар ДИС ДДТТ!

Бахшида ба Рӯзи Парчами давлатӣ дар ДИС ДДТТ спартакиадаи омӯзгорон баргузор гардид. Дар чорабинии мазкур мусобиқаҳои варзишӣ оид ба шашка, шоҳмот ва тенниси рӯи миз гузаронида шуданд.

   Дар спартакиада Инъомхӯҷа Бузруков-раиси иттифоқи касабаи кормандони соҳаи савдо, кооператсияи матлубот ва корхонаҳои хусусии вилояти Суғд, Хайруллохон Ҷамолов – раиси кумитаи иттифоқи касабаи муассисаҳои давлатӣ, Фарҳод Холмирзоев – муовини раиси иттифоқи касабаи кормандони соҳаи савдо, кооператсияи матлубот ва корхонаҳои хусусии вилояти Суғд иштирок намуда, рафти баргузории мусобиқаҳои варзиширо назорат намуданд. Дар натиҷа аз рӯи намуди шашка ғолибият насиби Нигина Муъминова, Матлуба Холназарова ва Адиба Ахмедова гардид. Дар намуди шоҳмот пирӯзӣ насиби Усмон Ҷабборов, Акбарҷон Аҳроров ва Муқаддас Набиева гашт. Дар мусобиқаи тенниси рӯи миз Садриддин Ғозибеков, Акмал Пӯлотов ва Саодат Аминҷонова пирӯз гардиданд. Дар поёни чорабинӣ дар вазъияти тантанавӣ ба ғолибон диплом, медал, сипоснома ва туҳфаҳои хотиравӣ супорида шуд.

Nov 18

ЭЪЛОН!!!

Шуъбаи таҳсилоти дуалӣ ва алоқа бо истеҳсолоти Донишкадаи Иқтисод ва Савдои Донишгоҳи Давлатии Тиҷорати Тоҷикистон, дар ҳамкорӣ бо ҶСК “Тавҳидбонк”, шартномаи сеҷониба бо донишҷӯён имзо мерасонад. Ин иқдом ба донишҷӯён имкон медиҳад, ки дар муҳити воқеии корӣ малакаҳои касбии худро такмил диҳанд ва ҳамзамон донишҳои таҷрибавии худро густариш диҳанд. Донишҷӯён дар вақти берун аз машғулиятҳои таълимӣ ба кор дар ҶСК “Тавҳидбонк” ҷалб мешаванд.

Пас аз гузаронидани санҷишҳои зарурӣ, донишҷӯён бо ҷойи корӣ дар ин ташкилот таъмин карда мешаванд.

Инчунин, “Тавҳидбонк” бар ивази фаъолияти донишҷӯён маблағи таҳсили онҳоро пардохт менамояд.

Шумораи ҷойҳои корӣ маҳдуд аст, бинобар ин довталабон бояд аз санҷишҳои зарурӣ гузаранд.

Афзалиятҳои ин иқдом:

  • Имконияти кор ва таҳсил дар як вақт.
  • Такмили малакаҳои касбӣ дар муҳити воқеии корӣ.
  • Ҷои кори доимӣ пас аз хатм.

Барои  бақайдгирӣ:
Ба Шуъбаи таҳсилоти дуалӣ ва алоқа бо истеҳсолот муроҷиат кунед (бинои таълимии №2, утоқи 314) ё тариқи почтаи электронии dual.edu.iet@gmail.com. Муроҷиат намоед.

Фурсатро аз даст надиҳед ва барои ояндаи касбии худ қадами устувор гузоред!

Nov 16

Табрикоти директори Донишкадаи иқтисод ва савдои ДДТТ, номзади илмҳои иқтисод, дотсент Ҷалилзода А. А. ба муносибати Рўзи Президенти Ҷумҳурии Тоҷикистон ва 32-солагии баргузории Иҷлосияи 16-уми Шўрои Олии Ҷумҳурии Тоҷикистон.

     Бо камоли эҳтиром ва самимияти афзун, дар ин рўзҳои хуҷаставу фархунда, Рўзи Президенти Ҷумҳурии Тоҷикистон ва 32-солагии Иҷлосияи 16-уми Шўрои Олии Ҷумҳурии Тоҷикистонро ба Шумо аҳли ҷомеаи меҳнатии Донишкада, ҳайати профессорону устодон ва донишҷўёну кормандон самимона табрику таҳният гуфта, бароятон саодати рўзгор, сарбаландию сарфарозӣ ва барору комёбиҳо таманно менамоям. Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар нахустин баромади худ баъди интихоб гардиданашон ба вазифаи Президенти Ҷумҳурии Тоҷикистон зимни суханрониашон дар Маҷлиси Олии Ҷумҳурии Тоҷикистон тазаккур доданд, ки: “Президенти Ҷумҳурии Тоҷикистон кафили амалӣ гардидани Конститутсия мебошад. Ман ба ҳайси Президент Шуморо бовар мекунонам, ки ҳифзи ҳуқуқҳо, озодиҳои шаҳрвандон, тамомияти арзии ҷумҳурӣ, Ваҳдати миллӣ, сулҳу салоҳро дар ҷумҳурӣ таъмин хоҳам кард”. Дастоварду комёбиҳои беназири даврони соҳибистиқлолӣ далолат ба хидматҳои бузургу арзишманди Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон менамоянд. Сарвари давлат дар як мудддати кўтоҳ тавонистанд Тоҷикистонро дар арсаи байналмилалӣ муаррифӣ намуда, барои халқи тоҷик шароити зиндагии шоиставу арзанда муҳайё созанд. Иҷлосияи ХVI Шўрои Олӣ барои мо як мактаби бузурги ҳаёт ва сабақи нотакрори давлату давлатдорӣ, марҳалаи ибратомўзи расидан ба сулҳу ваҳдати миллӣ, як қадами ҷиддии рў овардан ба нақшаҳои азими офарандагӣ гардид. Пешвои муаззами миллат барҳа фармудаанд: “Иҷлосияи XVI Шӯрои Олии Тоҷикистон рӯйдоди воеан таърихӣ мебошад, зеро маҳз дар ҳамин Иҷлосия тадири ояндаи давлати миллии тоҷикон тарҳрезӣ гардид ва ба сӯи ҳадафҳои бузурги умумимиллӣ – сулҳу субот ва ваҳдати миллӣ адами нахустин гузошта шуд”. Аҳли ҷомеаи меҳнатӣ, ҳайати профессорон, омўзгорон, донишҷўён ва кормандони Донишкада, бо истифода аз фурсати муносиб, ҳамаи Шумо ва сокинони сарбаланди Ватани азизамонро ба ҷашни фархундаи Рўзи Президенти Ҷумҳурии Тоҷикистон ва Иҷлосияи 16-уми Шўрои Олии Ҷумҳурии Тоҷикистон табрику таҳният гуфта, таманнои онро дорам, ки дар кишвари азизамон сулҳу субот, оромӣ ва Ваҳдати миллӣ абадан пойдор монда, ҳар як сокини бо нангу номус бо азму иродаи созанда дар пешрафту шукуфоии он саҳми арзандаи хешро гузорад.

May 11

ЭЪЛОН!

 

Шуъбаи тарбияи ДИС ДДТТ бо мақсади ташаккули тарбияи ватандӯстӣ, ифтихори миллӣ, худшиносӣ, хештаншиносии миллии ҷавонон ва тарғиби дастовардҳои соҳибистиқлолии мамлакат дар самти маҳкум намудани падидаҳои номатлуб, аз қабили терроризм ва экстремизм дар байни донишҷӯён озмуни навиштани беҳтарин мақола, вокуниш ва изҳоротро эълон менамояд. Донишҷӯён метавонанд маводҳои худро, ки маҳкумкунандаи падидаҳои номатлуби ҷомеа, аз қабили терроризму экстремизм мебошад ба шахси масъул, мутахассиси шуъбаи илм Мамадҷонов Ф.С. (тел.: 92-850-82-02) то санаи 20.05.2023 пешниҳод намоянд.

Ғолибони озмун бо тӯҳфаҳои хотиравӣ қадрдонӣ карда мешаванд.

 

                                                                                                  Шуъбаи тарбия

May 10

ДИҚҚАТ, ЭЪЛОН!

Ба диққати донишҷӯёни курси 3-юми шуъбаи омӯзиши таҳсилоти фосилавии ДИС ДДТТ расонида мешавад, ки машғулиятҳои сессияи навбатӣ санаи 10.05.2023, аз соати 10:00 оғоз мешаванд.
Ба машғулиятҳо бо сару либоси тавсиявӣ ва саривақт ҳозир шудан ҳатмист.
Шуъбаи омӯзиши таҳсилоти фосилавӣ
Feb 21

Марҳабо ба “Рӯзи дарҳои кушод”

Бо мақсади ҷалби хатмкунандагони муассисаҳои таҳсилоти миёнаи умумӣ ва литсею гимназияҳо барои интихоби касб ва ихтисосҳои замонавӣ дар Донишкадаи иқтисод ва савдои Донишгоҳи давлатии тиҷорати Тоҷикистон санаи 25-уми феврали соли равон, “Рӯзи дарҳои кушод” баргузор мегардад.
Хатмкунандагон метавонанд бо шароити таълиму тарбия, синфхонаҳо, марказҳои компютерию забономӯзӣ, китобхонаи электронӣ ва инчунин бо дастоварду комёбиҳои ҷомеаи меҳнатии донишкада аз наздик шинос шаванд.

ОЯНДАИ ХУДРО БО МО СОЗЕД!

https://www.facebook.com/iettsuc/

Nov 26

ДИҚҚАТ, ОЗМУН! (оид ба мақолаи коршинос А.Раҳнамо)

Раёсати Донишкадаи иқтисод ва савдои Донишгоҳи давлатии тиҷорати Тоҷикистон дар шаҳри Хуҷанд вобаста ба мақолаи коршинос оид ба масъалаҳои байналмилалӣ Абдуллоҳи Раҳнамо таҳти унвони “Мавқеи Тоҷикистон ё чаро Ҷумҳурии Тоҷикистон кишвари таҷовузгар нест?” озмун эълон менамояд. Озмун дар байни донишҷуён, магистрантон, докторантон ва кормандону омӯзгорони Донишкда баргузор карда шуда, санаи 15-уми декабр ба анҷом мерасад. Ғолибони озмун бо туҳфаҳои арзишманд қадршиносӣ карда мешаванд.

Забони иштирок дар озмун озод буда, он байни донишҷуён, магистрантон, докторантон дар шартҳои зерин сурат мегирад:

–донандаи беҳтарини мақолаи Абдуллоҳи Раҳнамо бо номи “Мавқеи Тоҷикистон ё чаро Ҷумҳурии Тоҷикистон кишвари таҷовузгар нест?”;

– беҳтарин навори видеоӣ оид ба мақолаи Абдуллоҳи Раҳнамо бо номи “Мавқеи Тоҷикистон ё чаро Ҷумҳурии Тоҷикистон кишвари таҷовузгар нест?”.

Озмун байни кормандон ва устодони Донишкада дар шартҳои зерин сурат мегирад:

–беҳтарин мақолаи илмию назариявӣ вобаста ба мақолаи Абдуллоҳи Раҳнамо бо номи “Мавқеи Тоҷикистон ё чаро Ҷумҳурии Тоҷикистон кишвари таҷовузгар нест?”

Sep 16

Эълон!

Маркази таълими забонҳои хориҷии Донишкадаи иқтисод ва савдои ДДТТ қабули хоҳишмандонро ба курсҳои кӯтоҳмуддати омӯзиши забонҳои тоҷикӣ, русӣ, англисӣ, хитоӣ ва олмонӣ эълон менамояд.

Дар марказ барои забономӯзӣ тамоми шароит муҳайё гардида, устодони ботаҷриба, ки дар хориҷ аз мамлакат таҷрибаи кофии омӯзонидани забонҳои хориҷиро гирифтаанд, ба Шумо таълим хоҳанд дод.

Хоҳишмандон метавонанд барои маълумоти иловагӣ ба маркази таълими забонҳои хориҷии ДИС ДДТТ муроҷиат намоянд.

Телефон барои тамос: 92-888-84-99