Маркази Дузандагӣ

Оид ба вазъи Парки технологӣ  ва марказҳои инноватсионӣ дар Донишкадаи иқтисод ва савдои ДДТТ тибқи талаботи Қонуни Ҷумҳурии Тоҷикистон аз 21.07.2010 №629 «Дар бораи Парки технологӣ», Қонуни Ҷумҳурии Тоҷикистон аз 26 апрели соли 2012 №822 «Дар бораи фаъолияти инноватсионӣ» ва қарори Ҳукумати Ҷумҳурии Тоҷикистон аз 30 апрели соли 2011 №227 «Дар бораи барномаи рушди инноватсионии Ҷумҳурии Тоҷикистон»

1.Дар ДИС ДДТТ пас аз қабул гардидани Қонуни Ҷумҳурии Тоҷикистон «Дар бораи Парки технологӣ» (аз 21июли с. 2010, №629) ва фаъолияти инноватсионӣ, инчунин дастуру супоришҳои Президенти Ҷумҳурии Тоҷикистон доир ба таъсиси Парки технологӣ чорабиниҳои зиёд андешида шудаанд.
2.Ин масъала дар ҷаласаҳои раёсати донишкада ва Шўрои олимон (суратҷаласаҳои №4, №6 соли 2011; суратҷаласаҳои №№5, 7, 9 соли 2012; суратҷаласаи №8 соли 2013) якчанд маротиба мавриди баррасӣ қарор гирифтааст. Дар Донишкада аксари талаботи бандҳои мутааллиқи Қонуни Ҷумҳурии Тоҷикистон аз 21.07.2010 №629 «Дар бораи Парки технологӣ» амалан иҷро карда шудааст.
3. Тибқи дастуру супориш ва фармоишҳои Вазири маориф ва илми Ҷумҳурии Тоҷикистон дар хусуси таъсиси паркҳои технологӣ нақшаи чорабиниҳо тартиб дода, ба факултаҳо дастрас карда шудааст.
4. Аз тарафи роҳбарияти донишкада масъалаи мазкур мунтазам баррасӣ карда, вобаста ба самти фаъолияти факултаҳо чунин вазифагузориҳо карда шудаанд:
5. Дар донишкада заминаи моддию техникӣ ва технологияи фаъолияти инноватсионӣ таъсис дода шудааст. Аз он ҷумла Фонди инноватсионии ДИС ДДТТ ташкил карда шудааст (замима гардидааст). Парки технологии «Иқтисод ва савдо» таъсис дода шудааст, ки аз шўъбаҳои истеҳсолӣ ва марказҳои таълимӣ иборат мебошад:

Оинномаи Парки технологии «Иқтисод ва савдо»-и Донишкада қабул карда, аз тарафи директори Донишкада д.и.и. Аминов И. А. соли 2012 тасдиқ карда шудааст.

Ба фаъолияти Парки технологӣ аз рўи сохтор чунин шарҳ додан мумкин аст:
Сехи дўхтани либосҳои замонавӣ – барои тайёр намудани либосҳои замонавӣ ва миллӣ барои ҳамаи хоҳишмандон, инчунин, курсҳои кўтоҳмуддати тарроҳӣ.
Бояд қайд намуд, ки Парки технологии «Иқтисод ва савдо»-и ДИС ДДТТ аз рўи самтҳои номбурда имрўз фаъолият намуда истодааст ва он иҷозатномаи Вазорати маорифи Ҷумҳурии Тоҷикистонро таҳти рақами АУ№0000867 аз 01.09.2010 доро мебошад. Ба ғайр аз ин, ҳоло ҳуҷҷатҳои меъёриву ҳуқуқӣ барои ба роҳ мондани фаъолияти иловагии Парки технологӣ аз рўи лоиҳаҳои аз тарафи факултаҳо пешниҳод гардидаанд, омода шуда истодаанд.