Конференсияҳо ва чорабиниҳои илмӣ – Page 4 – Донишкадаи иқтисод ва савдои Донишгоҳи давлатии тиҷорати Тоҷикистон дар ш. Хуҷанд

Jan 06

АМНИЯТИ ИҶТИМОӢ ҲАМЧУН ОМИЛИ МУҲИММИ РУШДИ УСТУВОР

Санаи 29 декабри соли 2021 дар Маркази тадқиқоти стратегии назди Президенти Ҷумҳурии Тоҷикистон конфронси илмиву амалӣ таҳти унвони “Амнияти иҷтимоӣ ҳамчун омили муҳимми рушди устувор” баргузор гардид. Дар ҳамоиш намояндагони вазорату идораҳои дахлдори давлатӣ, марказу пажӯҳишгоҳҳои илмӣ, муассисаҳои таҳсилоти олии касбӣ, коршиносон ва хабарнигорони воситаҳои ахбори оммаи кишвар ширкат варзиданд.
Конфронсро бо сухани муқаддимавӣ директори Маркази тадқиқоти стратегии назди Президенти Ҷумҳурии Тоҷикистон Хуршед Зиёӣ ифтитоҳ намуда, иштирокчиёни нишасти илмию амалиро хайрамақдам гуфт. Хуршед Зиёӣ дар баромади худ қайд кард, ки амнияти иҷтимоӣ барои суботу оромии ҷомеа, баланд бардоштани сатҳи зиндагонии мардум ва пешрафту рушди устувор аҳамияти калон дорад.
Баъдан дар раванди конфронс сӯҳбат оид ба мавзӯи хеле муҳим ва зарурӣ, яъне муҳокима ва таҳлили масъалаи амнияти иҷтимоӣ ҳамчун омили рушди устувор сурат гирифт. Дар ин самт таваҷҷӯҳи бештар ба баррасии масъалаҳои маориф ва илм равона карда шуд. Зеро воқеан ҳам, таъмини рушди устувор, ҷорӣ намудани технологияҳои муосир дар истеҳсолот, таъмини рушди ҳаёти иқтисодию иҷтимоии ҷомеа бидуни илму маориф, кадрҳои лаёқатманд, тарзи ҳаёти солим ва шароити мусоиди иҷтимоӣ ғайриимкон аст.
Маҳз ба ҳамин хотир Асосгузори сулҳу ваҳдати миллӣ -Пешвои миллат, Президенти кишвар, муҳтарам Эмомалӣ Раҳмон санаи 21 декабри соли 2021 дар Паёми навбатии худ дар бораи самтҳои асосии сиёсати дохилӣ ва хориҷии ҷумҳурӣ ба Маҷлиси Олии Ҷумҳурии Тоҷикистон махсусан қайд карданд, ки “Бунёди миллат аз маориф оғоз меёбад ва ғамхорӣ нисбат ба маориф – сармоягузорӣ барои рушди нерӯи инсонӣ ва ояндаи ободи давлат ва Ватан мебошад”.
Ин дастур ва ҳидояти Сарвари кишвар ҳар яки моро водор месозад, ки ба масъалаи илму маориф ва тайёр намудани кадрҳои илмӣ беш аз пеш таваҷҷӯҳи ҷиддӣ дода, масъулияти худро дар ин соҳа бештар намоем.
Сипас сардори Раёсати таҳлили масъалаҳои иҷтимоии Маркази тадқиқоти стратегии назди Президенти Ҷумҳурии Тоҷикистон, доктори илмҳои фалсафа, профессор Абдураҳмон Қурбонов дар мавзӯи “Ҳифз ва таҳкими иқтидори зеҳнӣ–омили муҳимми таъмини рушди устувори ҷомеа”, мудири кафедраи онтология ва назарияи маърифати факултаи фалсафаи Донишгоҳи миллии Тоҷикистон, доктори илмҳои фалсафа Фаррух Худойдодов дар мавзӯи “Тафаккури мантиқӣ – кафили низом, рушд ва суботи ҷомеа”, мудири бахши муҳоҷирати аҳолии Пажӯҳишгоҳи иқтисодиёт ва демографияи Академияи миллии илмҳои Тоҷикистон, номзади илмҳои иқтисодӣ Анвар Бобоев дар мавзӯи “Нақши муҳоҷират дар таъмини амнияти иҷтимоӣ ва рушди устувор”, подполковники милитсия, сардори кафедраи фанҳои ҷамъиятии факултаи №2-и Академияи ВКД-и Ҷумҳурии Тоҷикистон, номзади илмҳои сиёсӣ, дотсент Саъдӣ Муҳаммад дар мавзӯи “Сиёсати иҷтимоии давлат ҳамчун асоси ташаккулёбии амнияти иҷтимоии инсон”, муовини сардори Ситоди Агентии назорати маводи нашъаовари назди Президенти Ҷумҳурии Тоҷикистон Шарифбек Шарифзода дар мавзӯи “Коррупсия яке аз омилҳои таҳдидкунандаи амнияти иҷтимоӣ”, номзади илмҳои сиёсӣ, дотсент Далер Баҳромбеков дар мавзӯи “Сифати таҳсилот дар мактабҳои олӣ ва таъсири он ба амнияти кишвар”, ходими калони илмии шуъбаи сотсиологияи Пажӯҳишгоҳи фалсафа, сиёсатшиносӣ ва ҳуқуқи ба номи А.Баҳоваддинови Академияи миллии илмҳои Тоҷикистон Фирӯз Миров дар мавзӯи “Амнияти озуқаворӣ–омили рушди устувори Ҷумҳурии Тоҷикистон (дар асоси маводи натиҷаҳои таҳқиқоти сотсиологӣ)”, докторанти Phd–и кафедраи фалсафаи Донишгоҳи давлатии Кӯлоб ба номи Рӯдакӣ Лоиқ Ғаюров дар мавзӯи “Мавқеи илм ва маориф дар таъмини амнияти иҷтимоӣ”, раиси Шӯрои олимони ҷавони Маркази тадқиқоти стратегии назди Президенти Ҷумҳурии Тоҷикистон Фирӯз Равшаналиев дар мавзӯи “Нақши ҷавонон дар таҳкими амнияти иҷтимоӣ”, муаллими калони кафедраи фанҳои ҷомеашиносии Донишкадаи иқтисод ва савдои Донишгоҳи давлатии Тоҷикистон дар шаҳри Хуҷанд Фирӯз Ҳошимов дар мавзӯи “Баъзе масъалаҳои таъмини амнияти иттилоотӣ дар Ҷумҳурии Тоҷикистон”, мутахассиси пешбари Раёсати таълими Академияи идоракунии давлатии назди Президенти Ҷумҳурии Тоҷикистон Ф.Арабзода дар мавзӯи “Тарбияи ахлоқии донишҷӯён дар раванди таълими забони англисӣ” маърӯза карданд.
Баъдан пиромуни суханрониҳо ибрози назар ва табодули афкори арзишманд сурат гирифт.
Конфронсро муовини директори Маркази тадқиқоти стратегии назди Президенти Ҷумҳурии Тоҷикистон Парвиз Муҳаммадзода ва сардори Раёсати таҳлили масъалаҳои иҷтимоии Марказ Абдураҳмон Қурбонов ҷамъбасту натиҷагирӣ карда, ба иштирокчиёни ҳамоиш барои ширкати фаъолона изҳори сипос намуданд.
Ҳамоиш дар рӯҳияи самимият, ҳусни тафоҳум ва муколамаи созанда баргузор гардид.

Dec 17

Иштирок дар «Модели байналмилалии СҲШ»

Санаи 16 декабр дар Донишгоҳи давлатии забоншиносии Нижний Новгороди ба номи Н.А.Добролюбов «Модели байналмилалии СҲШ» – бозии интерактивии таълимӣ барои донишҷӯён гузаронида шуд, ки он бо фаъолияти Созмони ҳамкории Шанхай шинос менамояд. Бояд қайд кард, ки дар доираи ин бозии байналмилалӣ якчанд коршинос аз Ҷумҳурии Тоҷикистон ширкат варзида, бо маърӯзаҳои худ тариқи маҷозӣ баромад намуданд. Аз ҷумла, мудири бахши муносибатҳои байналхалқии Донишгоҳи давлатии ҳуқуқ, бизнес ва сиёсати Тоҷикистон, н.и.и. Блиничкина Н. Ю., муовини сардори Раёсати омӯзиши проблемаҳои амнияти минтақавии Маркази тадқиқоти стратегии назди Президенти Ҷумҳурии Тоҷикистон Ҳидоятзода К., ва ҳамчунин Ф.Ҳошимов муаллими калони кафедраи ҷомеашиносии Донишкадаи иқтисод ва савдои Донишгоҳи давлатии тиҷорати Тоҷикистон дар ш. Хуҷанд.
Устоди кафедраи ҷомеашиносӣ Ҳошимов Ф.Ҷ. дар мавзӯи “Ҳамоҳангии Ҷумҳурии Тоҷикистон бо СҲШ оид ба масъалаҳои таъмини амнияти иттилоотӣ дар Осиёи Марказӣ” баромад намуда, дар бораи масъалаҳои таъмини амнияти иттилоотӣ дар фазои СҲШ ва нақши Ҷумҳурии Тоҷикистон дар ҳалли масъалаҳои амнияти Осиёи Марказӣ маърӯзаи пурмуҳтаво карданд. Ҳамчунин, оид ба масъалаҳои пешгирии ҷавонон аз ғояҳои терроризму ифротгароӣ ва дигар ҷиноятҳо дар фазои киберӣ дар баромади худ қайд карда гузаштанд.
Бо дарназардошти баланд бардоштани нақши соҳаи маориф ва илм дар донишкада, шӯъбаи робитаҳои байналмилалии ДИС ДДТТ кӯшиш менамояд, ки ҳамкориҳои байналмилалӣ ва байнидонишгоҳии устодон ва донишҷӯёнро густариш бахшида, мавқеи донишкадаро дар миқёси ҷумҳурӣ боз ҳам баланд бардорад.

Nov 23

Форуми миллии машваратӣ зери унвони «Таҳияи харитаи роҳи миллии рақамикунонии соҳаи маориф дар Ҷумҳурии Тоҷикистон»

Санаи 19-уми ноябр дар Форуми миллии машваратӣ зери унвони «Таҳияи харитаи роҳи миллии рақамикунонии соҳаи маориф дар Ҷумҳурии Тоҷикистон», ки бо ташаббуси Вазорати маориф ва илми Ҷумҳурии Тоҷикистон, ЮНИСЕФ ва маблағгузории Иттиҳоди Аврупо дар Китобхонаи миллии Тоҷикистон баргузор гардид, аз Донишкадаи иқтисод ва савдои ДДТТ муовини директор оид ба илм ва иноватсия Д.Мирпоччоев, мудири шуъбаи робитаҳои байналмилалӣ С.Мухторов, мудири кафедраи математика ва технологияи информатсионӣ А.Ваҳҳобов иштирок намуданд.

https://www.maorif.tj/ahborot/dar-dushanbe-forumi-millii-mashvarat-zeri-unvoni-taiyai-haritai-roi-millii-raamikunonii-soai-maorif-dar-umurii-toikiston-barguzor-gardid

Nov 19

Интернет-конференсияи илмӣ-методии байналмилалӣ

Санаи 18 ноябри соли 2021 дар Донишкадаи иқтисод ва савдои ДДТТ интернет-конференсияи илмӣ-методии байналмилалӣ бахшида ба 30-солагии Истиқлолияти давлатии Ҷумҳурии Тоҷикистон дар мавзӯи “Татбиқи принсипҳои CEFR дар таълими забонҳои хориҷии касбӣ тибқи раванди Болонӣ” бо иштироки меҳмонони ватаниву хориҷӣ дар реҷаи “онлайн” тибқи “Нақшаи баргузории машваратҳои илмӣ ва илмию техникӣ, конфренсияҳо, анҷуманҳо ва семинарҳо дар Ҷумҳурии Тоҷикистон барои соли 2021” баргузор гардид.

Nov 15

Нақши таърихии Иҷлосияи XVI-уми Шӯрои Олии Ҷумҳурии Тоҷикистон дар бунёди давлати навини тоҷикон

Санаи 13-уми ноябр дар Донишкади иқтисод ва савдои Донишгоҳи давлатии тиҷорати Тоҷикистон конференсияи илмӣ-амалӣ ва ҳамоиши ҷавонон дар мавзӯи «Нақши таърихии Иҷлосияи XVI-уми Шӯрои Олии Ҷумҳурии Тоҷикистон дар бунёди давлати навини тоҷикон», бахшида ба Рӯзи Президенти Ҷумҳурии Тоҷикистон баргузор гардид.
Дар чорабинӣ сардори Раёсати кор бо ҷавонон ва варзиши вилояти Суғд, ҳамзамон Раиси Иттифоқи ҷавонони Тоҷикистон дар вилояти Суғд Мирзоқосим Каримзода иштирок ва суханронӣ намуд.
Нахуст, директори донишкада н.и.и., дотсент Ҳошимзода Ҳомид Ҳасан суханронӣ намуда, аз хизматҳои барҷастаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар роҳи эҳё ва ташаккули давлатдории миллӣ, таъмини сулҳу ваҳдат ва баланд гардидани нуфузу эътибори Тоҷикистон дар арсаи байналмилалӣ ёдовар шуд. Ҳанӯз дар вохӯриҳои нахустини худ бо ҷавонон Пешвои миллат эътимод ва боварии комили худро нисбати ҷавонон иброз дошта, аз ҷумла қайд намуданд, ки ҷавонон қувваи бузург ва ояндаи миллатанд ва мо ба онҳо боварии комил дорем.
Мирзоқосим Каримзода дар баромади худ таъкид намуд, ки ҷавонон дар ҳар давру замон чун қувваи бузург ва пешбарандаи ҷомеа пайваста аз ҷониби давлат ба ғамхорӣ фаро гирифта мешаванд. Дар саргаҳи ин ғамхорӣ ва дастгирӣ Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор доранд.
Сипас, н.и.т., дотсенти кафедраи ҷомеашиносӣ Тӯтинисо Мирбобоева дар мавзӯи «Иҷлосияи таърихӣ ва аҳамияти он» маърӯзаи пурмӯҳтаво намуд.
Дар идомаи чорабинӣ муаллими калони кафедраи ҷомеашиносӣ Фирӯз Ҳошимов зери унвони «Нақши мактаби сулҳофари Пешвои миллат дар таъмини амнияти Осиёи Марказӣ» баромад намуд.
Донишҷӯи курси 2-юми ихтисоси молия ва қарз (гурӯҳи англисӣ) Давронзода Манижабону дар мавзӯи «Саҳми Пешвои миллат дар эҳё ва муаррифии таъриху фарҳанги Тоҷикистон дар арсаи ҷаҳонӣ» баромад намуд.
Ҳамаи маърӯзачиён дар баромади худ аз хизматҳои намоёни Пешвои миллат, муҳтарам Эмомалӣ Раҳмон ёдоварӣ шуда, ҷавононро ба арҷгузорӣ ба дастовардҳои солҳои Истиқлолият даъват намуданд.
Дар қисмати фарҳангии чорабинӣ донишҷӯён бо сурудҳои ватандӯстона баромад намуда, хотири аҳли нишастро болида намуданд.

IMG_1016

Nov 01

Таъсири ҷаҳонишавӣ ба равандҳои сиёсии Тоҷикистон

Маърӯзаи устоди Донишкадаи иқтисод ва савдои ДДТТ Ф.Ҳошимов дар мавзӯи “Масъалаҳои таъмини амнияти иттилоотии Ҷумҳурии Тоҷикистон дар шароити ҷаҳонишавӣ” дар конференсияи ҷумҳуриявии Академияи идоракунии давлатии назди Президенти Ҷумҳурии Тоҷикистон, таҳти унвони «Таъсири ҷаҳонишавӣ ба равандҳои сиёсии Тоҷикистон» (Душанбе, 29 октябр)

Oct 30

Масъалаҳои мубрами муносибатҳои байналмилалӣ ва дипломатия

Иштироки устодони Донишкадаи иқтисод ва савдои ДДТТ Ф.Ҳошимов ва К.Ғайбуллоев дар конфронси байналмилалии илмӣ-амалии Вазорати корҳои хориҷии Ҷумҳурии Тоҷикистон таҳти унвони “Масъалаҳои мубрами муносибатҳои байналмилалӣ ва дипломатия”, ҳамчунин, “Тоҷикистон ва кишварҳои Осиёи Марказӣ: самтҳои ҳамкорӣ ва дурнамои рушд” (Душанбе, 28 октябри соли 2021)

Oct 19

Ҳамоиши ҷавонони соҳаи кооператсияи матлубот таҳти унвони «Ҷавонон пайравони – Пешвои миллат»

Имрӯз дар Донишкадаи иқтисод ва савдои Донишгоҳи давлатии тиҷорати Тоҷикистон тибқи мактуби Раёсати Иттифоқи Тоҷикматлубот аз 23 сентябри соли 2021 таҳти №149(4)-2 бо мақсади амалӣ намудани супориши Роҳбари Дастгоҳи иҷроияи Президенти Ҷумҳурии Тоҷикистон аз 9 апрели соли 2021, таҳти №251062 (26.6) вобаста ба баргузор намудани ҳамоишҳои ҷавонони касбу кори гуногун ба ифтихори 30-юмин солгарди Истиқлолияти давлатии Ҷумҳурии Тоҷикистон ва намоиши дастовардҳои кормандони ҷавон ҳамоиши ҷавонони соҳаи кооператсияи матлубот таҳти унвони «Ҷавонон пайравони – Пешвои миллат» баргузор гардид.
Дар ҳамоиши ҷавонони соҳаи кооператсияи матлубот сардори Раёсати кор бо ҷавонон ва варзиши вилояти Суғд Мирзоқосим Каримзода ва сармутахассиси шӯъбаи рушди иҷтимоӣ ва робита бо ҷомеаи дастгоҳи Раиси шаҳри Хуҷанд Умедахон Сайдуллоева иштирок ва суханронӣ намуданд.
Ҳамоишро директори донишкада н.и.и., дотсент Ҳошимзода Ҳомид Ҳасан оғоз намуда, меҳмононро хайрамақдам гуфт.
Таъкид гардид, ки дар ҳақиқат ҷавонон қувваи пешбарандаи ҷомеа буда, дар ҳамаи соҳаҳо фаъолияти пурсамар доранд. Имрӯз ҷавонони донишкада бо ташаббускорӣ ва иқдомҳои нек баҳри пешрафти ин боргоҳи таълимӣ ҳиссаи арзандаи худро гузошта истодаанд.
Дастовардҳои устодон ва донишҷӯёни донишкада хеле назаррас буда, ҳамасола гирандагони Стипендияи Раиси вилоят ва раисони шаҳру ноҳияҳо аз ҳисоби муҳассилин ва олимони ҷавони донишкада меафзояд. Аз ҷумла, гирандагони идрорпулии Раиси вилояти Суғд дар соли таҳсили 2020-2021 аз ҳисоби олимони ҷавон ва донишҷӯёни донишкада ба 27 нафар расид, ки аз ин шумора 6 нафар аспирант, 6 нафар магистрант ва 15 нафар донишҷӯён мебошанд.
Сипас сардори Раёсати кор бо ҷавонон ва варзиши вилояти Суғд Мирзоқосим Каримзода бо маърӯзаи пурмӯҳтаво баромад намуда, аз нақш ва мавқеи ҷавонон дар ҷомеа ёдрас шуд.
Мавсуф аз ҷавонони пешсафу фаъолони донишкада ёдрас шуда, донишҷӯёнро ба меҳандӯстӣ ва ободонию созандагӣ даъват намуд.
Умедахон Сайдуллоева дар баромади худ аз сиёсати давлатии ҷавонон ёдовар шуда, мавқеи онҳоро дар ҷомеа назаррас арзёбӣ намуд.
Дар қисмати фарҳангии ҳамоиш донишҷӯён бо рақсу сурудҳои ҷаззоб баромад ва ҳунарнамоӣ намуданд.

IMG_9587

Jun 25

“ВАҲДАТ – ПОЯИ РУШДУ СУБОТИ ҶОМЕА”

Дар арафаи таҷлили Рӯзи Ваҳдати миллӣ дар Донишкадаи иқтисод ва савдои ДДТТ мизи мудаввар таҳти унвони “Ваҳдат – пояи рушду суботи ҷомеа” баргузор гардид. Дар он олимон, устодони донишкада ва намояндагон аз донишгоҳҳои олии шаҳри Хуҷанд, аз ҷумла Донишгоҳи давлатии Хуҷанд ба номи академик Б. Ғафуров иштирок намуданд.

IMG_6375

Чорабинии илмиро директори Донишкада дотсент Ҳошимзода Ҳомид Ҳасан ифтитоҳ намуда, дар бораи арзиши Ваҳдати миллӣ ва аҳамияти тақдирсози он сухан кард. Мавсуф аз ҷумла иброз дошт, ки ин воқеаи таърихӣ, ки бо кӯшишу талошҳои қаҳрамононаи Президенти мамлакат, Пешвои миллат, муҳтарам Эмомалӣ Раҳмон ба даст оварда шуд, ҳаёти имрӯзаи осоиштаву хушбахтонаи моро таъмин гардонид, ки ин худ неъмати бузург аст.

Директори донишкада гуфторе аз суханрониҳои Президенти муҳтарам Эмомалӣ Раҳмонро ёдовар шуд: “Ваҳдат барои мо як вожа ва калимаи оддӣ нест, балки номаи тақдири мо, шарти пешрафти кишварамон ба сӯйи ояндаи ободу осуда ва муҳимтар аз ҳама кафили сарҷамъиву хушбахтии имрӯзу ояндаи халқамон аст”. Сипас дар тақвияти он қайд намуд, ки воқеан асоси ҷамъият дар пойдории сулҳ ва ҳамдигарфаҳмӣ бунёд мегардад.

Сипас, директори донишкада суханро ба меҳмони мизи мудаввар – устоди Донишгоҳи давлатии Хуҷанд ба номи академик Б. Ғафуров, мудири кафедраи “Таърихи Ватан ва археология” Исоматдинов Ҷ.Б. дод.

Исоматдинов Ҷ.Б. дар баромади худ “Роҳҳои ташаккул ва ҳифзи Ваҳдати миллӣ” аз нобасомониҳои солҳои навадум сар карда, то расидан ба созишномаи сулҳ ва истиқрори миллӣ шарҳи воқеот намуд. Маърӯза аз рӯйдодҳои фоҷианоки ҷанги шаҳрвандӣ, қурбониёну муҳоҷирон, талафоту зарарҳои моддиву иқтисодӣ, пастравии иқтисодиёт, қафомонӣ дар ҳамаи соҳаҳо, расидан ба сатҳи баланди камбизоатӣ ва ғ. дарак дода, пас аз он оид ба ислоҳи мушкилоти онвақта ва дастовардҳои пас аз бастани созишномаи сулҳ ноилгардида маълумот пешкаш гардид.

Бо маърӯзаи худ мудири кафедраи назарияи иқтисодии донишкада профессор Азимов А. зери унвони “Ваҳдати миллӣ – эҳёи навини халқи тоҷик” баромад намуда, оиди хизматҳои шоистаи давлат дар барпо намудани сулҳу ваҳдат ва зиндагии осоиштаи халқи тоҷик баромад намуд. Профессор Азимов А. аз ҷумла таъкид сохт, ки дар бунёди ҷомеаи босаводу солим саҳми ҳар як фард, махсусан устодон муҳим аст, ки барои боздоштан аз ҳамроҳшавии ҷавонон ба гурӯҳҳои ифротгарову экстремистӣ саҳмгузор шуда метавонанд, зеро тарбияи солими насли оянда ҷузъи фаъолияти устоду муаллим мебошад.

Устоди кафедраи ҷомеашиносӣ Ибодуллоев А. дар мавзӯи “Аҳамияти сиёсии Ваҳдати миллӣ барои ҷавонони соҳибистиқлол” маърӯза намуда, аз таърихи баста шудани созишномаи умумии истиқрори сулҳ ва ризоияти миллӣ, саҳми Пешвои миллат дар бастани ин ҳуҷҷати тақдирсоз, саҳму талошҳои сарвари давлат сухан кард. Ӯ махсусан оид ба ривоҷ додани тафаккури солиму созанда дар ҷавонон таъкиҳо намуда, аз ҷумла иброз дошт ки маҳз саводу илм ҷавонони имрӯзаро ба созандагиву бунёдкорӣ ҳидоят менамояд.

Дар фарҷоми чорабинӣ директори донишкада ба ҳозирин барои иштирок ва баромадҳои пурмӯҳтаво арзи сипос намуда, ба ҳамагон комёбиҳо орзу намуд.

May 20

Ҷавонон – пайравони Пешвои миллат

Бахшида ба 30-солагии Истиқлолияти давлатии Ҷумҳурии Тоҷикистон, дар доираи баргузории Рўзи ҷавонон, дар ҳамкорӣ ба Кумитаи иҷроияи ҲХДТ дар вилояти Суғд ва шаҳри Хуҷанд дар ДИС ДДТТ конференсияи илмӣ-амалӣ таҳти унвони “Ҷавонон – пайравони Пешвои миллат” баргузор гардид.

IMG_4288

Сароғоз конференсияро директори донишкада, номзади илмҳои иқтисод, дотсент Ҳошимзода Ҳомид Ҳасан бо сухани ифтитоҳӣ ҳусни оғоз бахшида, ҳозиринро хайрамақдам гуфта, меҳмонони чорабинӣ: Раиси Кумитаи иҷроияи Ҳизби Халқии Демократии Тоҷикистон дар вилояти Суғд Исмоилзода Зуфар Муртазохон ва Раиси Кумитаи иҷроияи Ҳизби Халқии Демократии Тоҷикистон дар шаҳри Хуҷанд Маликисломӣ Наим Мунавварро муаррифӣ намуд.

Раиси Кумитаи иҷроияи Ҳизби Халқии Демократии Тоҷикистон дар вилояти Суғд Исмоилзода Зуфар Муртазохон зимни суханронии пурмуҳтавои худ дар бораи таваҷҷуҳ ва ғамхориҳои Пешвои миллат ба ҷавонон ибрози андеша карда, аз донишҷўён даъват ба амал овард, ки бо донишу хониш ва ахлоқи намунавӣ дар пешрафти кишвари азизамон саҳми арзандаи худро гузоранд. Дар шароити буҳрони шадиди иқтисодӣ, паҳншавии бемории короновирус, таҳдиди хатарҳои беруна ҷавонон бояд фирефтаи афкори заҳрогини бегонагон нагашта, бо шукрона аз ваҳдату якдилӣ ва оромию суботи кишвари азизамон барои ободии кишвари азизамон ҷаҳду талошҳои созанда намоянд. Ҷавонон неруи созанда ва пешбарандаи ҷомеанд, онҳо бояд ҳушёру зиракии сиёсиро аз даст надода, худшиносу худогоҳ ва ватандўсти воқеӣ гашта, аз шабакаҳои иҷтимоӣ оқилона истифода намоянд.

Раиси Кумитаи иҷроияи Ҳизби Халқии Демократии Тоҷикистон дар шаҳри Хуҷанд Маликисломӣ Наим Мунаввар низ дар бораи нақши ҷавонон дар ҷаҳони муосир андешаронӣ карда, аз фаъолияти пурсамари ташкилоти кумитаи иҷроияи “Инқилоб”, ки сарварии онро директори донишкада, номзади илмҳои иқтисод, дотсент Ҳошимзода Ҳомид Ҳасан ба уҳда дорад, изҳори сипос намуд.

Ҳамчунин бо маърўзаи пурмуҳтаво Ҷўраев Меъроҷ – раиси Шўрои олимони ҷавони ДИС ДДТТ дар мавзўи “Нақши Пешвои миллат дар рушди ҷавонон” ва донишҷўи курси 4, ихтисоси молия ва қарз Воҳидова Фарангис дар мавзўи “Истиқлолият – рукни асосии давлат” баромад карда, оиди самараи истиқлолият, комёбиҳо ва дастовардҳои арзанда дар ҳамаи соҳаҳои хоҷагии халқ андешаронӣ намуданд.

Аз байни иштирокчиёни конференсия донишҷўён – Умарова Меҳрона ва Фарҳодова Манижа оид ба саҳми Пешвои муаззами миллат Эмомалӣ Раҳмон дар бунёди Тоҷикистони соҳибистиқлол, ки намунаи ибрат барои ҷавонон аст, баромад намуданд.

Қисмати ҷамъбастии конференсия бо супоридани тўҳфаҳои хотиравӣ анҷом ёфт.