Category: Алоқаи илм бо истеҳсолот

Санаи 26 ноябри соли 2021 дар доираи нақша чорабинии кафедраи молшиносӣ ва фаъолияти гумрукии ДИС ДДТТ баҳри иҷрои Қарори Ҳукумати Ҷумҳурии Тоҷикистон “Дар бораи Стратегияи миллии рушди маорифи Ҷумҳурии Тоҷикистон то соли 2030” барои баланд бардоштани савияи дониши донишҷӯён мизи мудаввар дар мавзӯи “Назорати сифати молҳо ва нишондиҳандаҳои баҳодиҳии он (дар мисоли корхонаҳои истеҳсолии вилояти Суғд)” бо донишҷӯёни ихтисоси 25010900-молшиносӣ ва муоинаи мол дар бинои 4-уми ДИС ДДТТ бо иштироки корманди Маркази Тоҷикстандарт дар вилояти Суғд Сайдуллоев Раҳматҷон Аҳмадҷонович гузаронида шуд.

Санаи 25-уми ноябри соли 2021 дар Донишкадаи иқтисод ва савдои Донишгоҳи давлатии тиҷорати Тоҷикистон дар шаҳри Хуҷанд дар доираи рушди робитаҳои байналмилалӣ ва тақвияти корҳои илмӣ-тадқиқотии ҳайати профессорону омӯзгорони донишкада мизи мудаввари байналмилалии илмӣ дар мавзӯи “Муаммоҳои иҷтимоӣ-демографии давлатҳои ИДМ дар марҳилаи COVID-19” бо иштироки меҳмонони ватаниву хориҷӣ баргузор гардид.

Дар оғози ҷаласаи мизи мудаввар директори Донишкадаи иқтисод ва савдои ДДТТ, номзади илмҳои иқтисодӣ, дотсент Ҳошимзода Ҳомид Ҳасан бо сухани ифтитоҳӣ баромад намуда, меҳмононро хайрамақдам гуфт.

Меҳмонони олиқадр аз Федератсияи Россия, аз ҷумла, д.и.и., профессор, узви пайвастаи АИР, директори Институти тадқиқотҳои демографии Маркази илмӣ-тадқиқотии иҷтимоии федералии Академияи илмҳои Россия мудири кафедраи сиёсати демографӣ ва муҳоҷиратии ДДРБМ ВКХ Россия Рязансев Сергей Василевич дар мавзӯи “Рушди демографии давлатҳои ИДМ: 30 соли пошхӯрии ИҶШС” баромад намуд.

Сипас, маърӯзаи н.и.и., муовини директор оид ба лоиҳакашии инноватсионии Институти тадқиқотҳои демографии Маркази илмӣ-тадқиқотии иҷтимоии федералии Академияи илмҳои Россия, дотсенти кафедраи сиёсати демографӣ ва муҳоҷиратии ДДРБМ ВКХ Россия Лукянес Артём Сергеевич дар мавзӯи «Муҳоҷирати иқлимӣ ҳамчуни тренди муосир» шунида шуд.

Аз олимони ватанӣ д.и.и., профессор, корманди пешбари маркази илмӣ-тадқиқотии Донишкадаи иқтисод ва савдои ДДТТ Азимов Абдумавлон Ҷалилович дар мавзӯи «Муҳоҷирати таълимӣ дар шароити ҷаҳонишавӣ» маърӯза намуд.

Дар фазои тантана аз тарафи директори Донишкадаи иқтисод ва савдои ДДТТ Ҳошимзода Ҳомид Ҳасан ба директори Институти тадқиқотҳои демографии Маркази илмӣ-тадқиқотии иҷтимоии федералии Академияи илмҳои Россия Рязансев Сергей Василевич дипломи “Профессори фахрӣ”-и донишкада супорида шуд.

Дар фарҷоми чорабинӣ байни Донишкадаи иқтисод ва савдои ДДТТ дар шаҳри Хуҷанд ва Институти тадқиқотҳои демографии Маркази илмӣ-тадқиқотии иҷтимоии федералии Академияи илмҳои Россия созишномаи ҳамкории тарафайн дар бобати иҷрои корҳои илмӣ-тадқиқотӣ, гузаронидани онлайн-лексияҳо ва тайёр кардани мутахасстсони илмӣ баста шуд.

Ходими калони илмии Институти тадқиқотҳои демографии Маркази илмӣ-тадқиқотии иҷтимоии федералии Академияи илмҳои Россия Акрамов Шариф Юлдошевич барои гузаронидани чунин як мизи мудаввар дар сатҳи олӣ ба аҳли Раёсати донишкада изҳори сипос намуд.

Мизи мудаввари байналмилалии илмӣ дар мавзӯи “Муаммоҳои иҷтимоӣ-демографии давлатҳои ИДМ дар марҳилаи COVID-19 ” бо иштироки меҳмонони ватаниву хориҷӣ дар фазои гарми дӯстона бо муҳокимаҳои илмӣ ва баррасии як қатор пешниҳодҳои судманд ба анҷом расид.

IMG_1400

IMG_1454

IMG_1462

IMG_1481

IMG_1497

IMG_1537

IMG_1552

IMG_1561

IMG_1578

IMG_1591

IMG_1597

Санаи 25 ноябри соли 2021 кафедраи молия ва қарз дар Маркази забонҳои МДТ “Донишкадаи иқтисод ва савдои Донишгоҳи давлатии тиҷорати Тоҷикистон” (ИЭТ ТГУК), бинои таълимии №1 мизи мудаввар таҳти мавзӯи “ ” бахшида ба Рӯзи Парчами давлатии Ҷумҳурии Тоҷикистон бо иштироки кормандони ташкилотҳои қарзӣ, устодони варзидаи кафедраи молия ва қарз ва донишҷӯёни ихтисосҳои кори бонкӣ, молия ва қарз дар ФИБ баргузор гардид.
Дар мизи мудаввар кормандони варзидаи ташкилотҳои қарзии дар шаҳри Хуҷанд фаъолият бурда истода: Ғаниева Сарвиноз – мутахассис оид ба захираҳои кадрии ҶСП “Бонки Арванд”, Ҳошимова Гулнора – менеҷер оид ба таҳия ва пешниҳоди маҳсулотҳои бонкии Департаменти бизнеси корпоративии ҶСК “Бонки Эсхата”, Султонов Фирдавс – сардори раёсати рушди тиҷорати ҶСП ТАҚХ “ИМОН ИНТЕРНЕШНЛ”, Зарифов Афзалшо – сардори шуъбаи амалиётии ФҶСК “Halyk Bank Tajikistan” дар шаҳри Хуҷанд, Алимов Шодиқул – мутахассис оид ба қарзҳои тиҷоратии чаканаи ҶСП ТАҚХ “ИМОН ИНТЕРНЕШНЛ”, декани факултети молия ва баҳисобгирии бухгалтерӣ н.и.и., дотсент Ҳакимзода М.М., мутахассис оид ба таҷрибаомӯзӣ ва карераи ДИС ДДТТ устод Умаров Содирхон ва кулли омӯзгорони кафедраи молия ва қарз ширкат варзиданд.
Мизи мудавварро мудири кафедраи молия ва қарз н.и.и., дотсент Раҳматова З.И. оғоз намуда, аз ҳамагон хоҳиш намуд, ки дар кори мизи мудаввар фаъол бошанд ва аз рафти кори ташкилотҳои қарзӣ ахборотҳоро дастрас намоянд.
Сухани аввал ба декани факултети молия ва баҳисобгирии бухгалтерӣ, н.и.и., дотсент Ҳакимзода М.М. дода шуд. Устод дар баромади худ қайд намуд, ки Рӯзи Парчами давлатии Ҷумҳурии Тоҷикистон-яке аз идҳои расмии Тоҷикистон, ки 24 ноябри соли 2009 бо фармони Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қабул гардида, ҳар сол ҷашн гирифта мешавад. Парчами давлатии Тоҷикистон рамзи Истиқлолияти давлатии Ҷумҳурии Тоҷикистон, дӯстиву бародарии ҳамаи миллатҳои он ба шумор меравад. Ин рамзи давлатӣ шаҳрвандонро ба зиндагии ором, сулҳу осоиш ва талош ба хотири ҳаёти арзанда, рушду нумӯи ҳаматарафа ва соҳибихтиёрию соҳибдавлатӣ сафарбар менамояд.
Бегумон Парчам, Нишон ва Суруди миллӣ рамзҳои асосии ҳар як давлат буда, нишонаи соҳибихтиёрӣ ва соҳибистиқлолии ҳамон давлату миллат маҳсуб мешаванд. Воқеан иқдоми ба пеш гузоштаи кафедраи молия ва қарз оид ба гузаронидани мизи мудаввар бамаврид буда, баҳри рушду нумӯ ва пайваст гардидани самти илм бо амал зарурият пайдо мекунад.
Дар мизи мудаввар масъалаҳои ба монанди: нақши ташкилотҳои қарзӣ дар рушди низоми бонкӣ ва бахши воқеии иқтисодиёти Ҷумҳурии Тоҷикистон, ҳамкории молиявии ташкилотҳои қарзӣ бо ташкилотҳои молиявии байналхалқӣ: ҷиҳатҳои мусбӣ ва манфии ин муносибатҳо, тартиби таҳия ва амалигардонии сиёсати карзии ташкилотҳои қарзӣ дар шароити муосир, масъалаи васеъ паҳн намудани қарзи ипотекӣ ва шартҳои пешниҳоди он, ҳадафҳо ва зарурияти қарзи бонкии байналхалқӣ дар таъмини рушди устувории иқтисодиёти Тоҷикистон ва масъалаҳои мухталифи бо кор таъмин гаштани хатмкунандагон кушоду равшан гардиданд.
Дар мизи мудаввар мутахассис оид ба таҷрибаомӯзӣ ва карераи ДИС ДДТТ устод Умаров Содирхон низ ҳузур доштанд ва бо ҳамроҳии кормандони ин ташкилотҳои қарзӣ якчанд пешниҳоду дархостҳо оид ба рафти таҷрибаомӯзии хатмкунандагони донишкадаамон пешниҳод кард. Кормандони ташкилотҳои қарзӣ иқдом карданд, ки семинарҳои ройгон барои ихтисосҳои кори бонкӣ, молия ва қарз дар ФИБ дар донишкадаамон мегузаронанд ва барои баланд бардоштани савияи дониши амалии донишҷӯён саҳми арзанда мегузоранд.
Умуман, мизи мудаввар басо баҳснок гузашт ва он масъалаҳо, саволҳое, ки чӣ дар барнома ва берун аз он дода шуданд, ҷавоби худро дарёфтанд.

Санаи 18 ноябри соли 2021 кафедраи молия ва қарз дар толори лексионии №1 бинои таълимии №3 мизи мудаввар таҳти мавзӯи “Раванди амалигардонии ҳадафи чаҳоруми стратегияи миллии мамлакат бо назардошти ислоҳоти андозӣ” бахшида ба Рӯзи Президенти Ҷумҳурии Тоҷикистон муҳтарам Эмомали Раҳмон бо иштироки кормандони Раёсати андози Вилояти Суғд, устодони кафедраи молия ва қарз ва донишҷӯёни ихтисосҳои андоз ва андозбандӣ, молия ва қарз дар ФИБ баргузор гардид.
Дар мизи мудаввар Раҳимзода Ҳофиз Ҳоким – сардори шуъбаи ситонидани қарзи андозҳои Раёсати андози Вилояти Суғд маърӯза таҳти мавзӯи “Ҳадафҳо ва зарурияти ислоҳоти андозӣ бо мақсади саноатикунонии босуръати иқтисодиёти кишвар ва устувории он”, Ҷамолзода Манучеҳр – мутахассис оид ба назорати андозӣ маърӯза таҳти мавзӯи “Раванди татбиқи иқтисодиёти рақамӣ дар низоми миллии андоз ва такомули он дар шароити муосир”, н.и.и., дотсент, декани факултети молия ва баҳисобгирии бухгалтерӣ Ҳакимзода М.М., мудири кафедраи молия ва қарз, н.и.и., дотсент Раҳматова З.И. – маърӯза таҳти мавзӯи “Моҳияти ҳадафи чоруми стратегии кишвар ва татбиқи он дар шароити муосир (рафти иҷрои барномаҳои давлатӣ ва лоиҳаҳои сармоягузорӣ)”, муаллими калони кафедраи молия ва қарз Бобоев Фаррухзод маърӯза таҳти мавзӯи “Ҳадаф ва намудҳои хизматрасониҳои мақомоти андози ҶТ дар шароити муосир” ва инчунин донишҷӯи курси 4-уми ихтисоси андоз ва андозбандӣ Ҷабборов Комрон маърӯза таҳти мавзӯи “Моҳият ва аҳамияти маъмурикунонии андоз дар низоми муносибатҳои андозӣ” баромад намуданд.
Дар мизи мудаввар масъалаҳои мубрами рӯз, ки бо ислоҳоти андозӣ вобаста аст дида баромада шуда, он ислоҳотҳое, ки дар лоиҳаи Кодекси андози нави ҶТ, ки дар оғози соли 2022 ба нашр мерасад, огоҳӣ гардида, баъзе масъалаҳои оид ба имтиёзҳои андозӣ барои пешрафт ва рушди иқтисодиёт нигаронида шудаанд, дида баромада шуданд.
Дар мизи мудаввар нақши бузурги Асосгузори сулҳу ваҳдати миллӣ, Пешвои миллат, Президенти ҶТ муҳтарам Эмомалӣ Раҳмон дар ислоҳотҳои иқтисодиву молияавӣ, ки баҳри рушди иқтисодиёти миллӣ нигаронида шудаанд, шунида шуданд.
Мизи мудаввар бо мақсади ошно намудани донишҷӯёни хатм карда истода, бо ислоҳотҳое, ки дар низоми андози ҶТ шуда истодааст, нигаронида шуда буд.