Дар доираи намоишгоҳи мазкур бо якчанд донишгоҳҳои вилояти Шаанши барои робитаҳои нави ҳамкорӣ асос гузашта шуд. Аз ҷумла, бо ректори Донишгоҳи Шимолу ғарбии илмҳои сиёсӣ ва ҳуқуқ профессор Фан Ҷиули, бо декани факултаи Таҳсилоти байналмиллалии Донишгоҳи Чанган, профессор Жан Вей, бо муовини декани факултаи Таҳсилоти байналмиллалии Донишгоҳи шимолу ғарбии аграрӣ ва ҷангал, хонум Ванг Юхуан, бо директори шуъбаи қабули Донишгоҳи шимолу ғарбии Политехникӣ, хонум Жай Вен, ва дигарҳо вохуриҳои мутақобилан судманд баргузор карда шуд.
Донишкадаи иқтисод ва савдои Донишгоҳи давлатии тиҷорати Тоҷикистон барои дастгирӣ ва саҳмгузорӣ дар рушди ҳамкориҳои байналмилалии донишгоҳҳои вилояти Шаанши ва вусъат додани муносибатҳои дӯстиву шарикӣ байни Ҷумҳурии Мардумии Чин ва Ҷумҳурии Тоҷикистон бо ҷоизаи махсус мукофотонида шуд. Шарикии ДИС ДДТТ бо донишгоҳҳои Ҷумҳурии Мардумии Чин рушди босуръатро касб намуда, нақшаи иҷрои лоиҳаи калони дуҷониба омода карда шуда истодааст.
