23-юми майи соли ҷорӣ бо ташаббуси Вазорати маориф ва илми Ҷумҳурии Тоҷикистон дар толори Донишгоҳи миллии Тоҷикистон бахшида ба Рӯзи ҷавонон конференсияи ҷумҳуриявии илмӣ-назариявӣ дар мавзуи “Нақши ҷавонон дар рушди илму маорифи кишвар” баргузор гардид.
Дар ин чорабинии танатанвӣ аз ҷониби вазири маориф ва илми кишвар Раҳим Саидзода ба як қатор устодон ва омӯзгорони муассисаҳои таълимии ҷумҳурӣ нишони “Аълочии маориф ва илми Тоҷикистон” тақдим карда шуд.
Боиси ифтихор аст, ки Абдурашид Ҷабборов-мудири Маркази бақайдгирӣ ва машварати Донишкадаи иқтисод ва савдои Донишгоҳи давлатии тиҷорати Тоҷикистон дар шаҳри Хуҷанд низ ба ин унвони баланд қадршиносӣ гардид.
Ба муносибати сазовор гардидан ба унвони “Аълочии маориф ва илми Тоҷикистон” аз номи аҳли ҷомеаи Донишкада Абдурашид Ҷабборов-мудири Маркази бақайдгирӣ ва машварати Донишкадаи иқтисод ва савдои Донишгоҳи давлатии тиҷорати Тоҷикистонро табрику таҳният гуфта, барояшон дастоварду комёбиҳои нав ба навро таманно менамоем.
