Санаи 14-уми майи соли равон дар Донишкада чорабинии идона бахшида ба Рӯзи байналмилалии оила баргузор гардид. Нахуст директори Донишкада н.и.и., дотсент Ҳошимзода Ҳомид Ҳасан аҳли нишастро бо Рӯзи байналмилалии оила таҳният гуфта, барояшон умри дароз ва зиндагии пурсаодатро таманно намуд. Инчунин таъкид гардид, ки оила иттифоки озод, ихтиёрӣ ва баробарҳуқуқи байни зану мард буда, дар асоси муҳаббату эҳтироми тарафайн барпо гардида, таҳти химояи давлат қарор дорад. Дар ҳамаи давру замон мафҳуми «оила» ва «оиладорӣ» барои мардуми тоҷик басо азизу муқаддас аст. Зеро дар баёни оила пеши назар ду шахсияти бузург – падар ва модар намудор мешаванд ва дар ҳаёт ҳама барояшон эҳтиром мегузоранд.
Дар чорабинӣ оилаҳои барӯманд ва намунавӣ иштирок ва аз таҷрибаи зиндагии худ нақлҳои ибратомӯз баён намуданд.
Дар қисмати фарҳангӣ донишҷӯён бо сароидани суруду тарона хотири ҳамагонро болида намуданд.
