Санаи 12 майи соли 2022 дар Донишкади иқтисод ва савдои ДДТТ бо ташаббуси кафедраи ҷомеашиносӣ мизи мудаввар дар мавзӯи “Оилаи солим – асоси ҷомеаи солим”, бахшида ба Рӯзи оила баргузор гардид. Дар мизи мудаввар маърӯзаи Сардори Раёсати кор бо занон ва оила МИҲД-и вилояти Суғд Хоҷазода Хуршедахон дар мавзуи “Роҳҳои пешгирии вайроншавии оилаҳои ҷавон”, маърӯзаи муовини директор оид ба тарбия ва рушди ҷавонон, н.и.ф., дотсент Аҳророва Г.У. дар мавзуи “Оила – нигаҳдорандаи анъана ва урфу одатҳои халқи тоҷик”, маърӯзаи н.и.б., дотсент Дониёрова М.М. дар мавзуи “Генетикаи аҳду никоҳҳои хеше таборони наздик”, маърӯзаи н.и.ф., дотсент Ҷонназарова Д.Х. дар мавзуи “Семья и семейные ценности” шунида шуд. Ба маърӯзачиҳо аз тарафи иштирокчиёни мизи мудаввар саволҳо дода шуданд. Дар музокираҳо д.и.ф., профессор Солиҷонов Р., д.и.т., профессор Алиева Р.Р. ва дигарон иштирок карданд.
