Дар доираи Лоиҳаи “Рушди таҳсилоти олӣ” зерлоиҳаи ICEG як қатор семинарҳо ва тренингҳо гузаронида шудаанд. Яке аз мақсадҳои асосии ин зерлоиҳа баланд бардоштани сатҳи касбияти омўзгорон, омӯзиши методикаҳои муосири таълим, ба даст овардани малакаҳои нави технологияҳои рақамӣ мебошад.
Аз ин лиҳоз омўзиши технологияҳои инноватсионӣ дар бинои таълимии №4, Лабораторияи Идоракунии савдо барои омўзгорони ДИС ДДТТ курси барномаи 1С: Идоракунии савдо аз санаи 6.12.2021 то 22.12.2021 гузаронида шуд. Боиси қайд аст, ки омўзгорон имкон доштанд, барномаи амалии иҷозатномавии 1С: Идоракунии савдоро аз худ намуда, баҳри омодасозии мутаххасисони баландихтисоси ба талаботи замони муосир ҷавобгӯ, дар сатҳи баланд омода шаванд. Барои гузаронидани курси мазкур мутахассиси барҷаста, тренер-машваратчии «1С Франчайзинг» оид ба курсҳои 1С: Корхона, Алимов Фарҳод Абдураҳмонович даъват карда шуданд. Дар натиҷа 37 нафар шунавандагон, сертификати анҷоми таҳсилро оид ба курси 1С: Идоракуни савдо сазовор гаштанд.
