Бо мақсади ҷалби хатмкунандагони муассисаҳои таҳсилоти миёнаи умумии шаҳру ноҳияҳо ба муассисаҳои таҳсилоти олӣ ва миёнаи касбӣ, инчунин муаррифии донишкадаву донишгоҳҳои олӣ аз 16 январ то 21 феврали соли 2019 дар шаҳру ноҳияҳои вилоят мулоқоти роҳбарони муассисаҳои таҳсилоти олӣ ва миёнаи касбӣ бо хатмкунандагони мактабҳо гузаронида мешавад.
Ҷадвали вохӯрии роҳбарони муассисаҳои таҳсилоти олӣ ва миёнаи касбӣ бо хатмкунандагони мактабҳои миёна аз ҷониби роҳбарияти вилоят тасдиқ гардида, барои иҷро ба унвонии масъулин ирсол гардидааст.
Дар рафти вохӯриҳо хатмкунандагони мактабҳои миёна метавонанд ба масъалаҳои вобаста ба таҳсил ва вазъи таълиму тарбия бевосита аз ректорони муассисаҳои олӣ ва миёнаи касбӣ маълумот пайдо намоянд.
Хадамоти матбуоти
Раиси вилояти Суғд