Санаи 25-уми феврали соли равон дар Донишкадаи иқтисод ва савдои Донишгоҳи давлатии тиҷорати Тоҷикистон дар шаҳри Хуҷанд даври донишкадавии озмун таҳти унвони «Таҳаммулнопазирӣ ба коррупсия ва муқовимат бар он» баргузор гардид. Дар озмуни мазкур донишҷӯёни ҳамаи факултетҳо фаъолона иштирок намуда, ба аъзои ҳакамон аз рӯи номинатсияҳои «Мақолаи беҳтарин», «Шиори беҳтарин дар рӯзномаи деворӣ» ва «Ролики иҷтимоии беҳтарин» маводҳои худро пешниҳод намуданд.
Дар чорабинии мазкур Ҳусейнзода Давлат Саид – нозири шуъбаи муқовимат бо коррупсияи Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд иштирок ва суханронӣ намуд.
Ғолибони озмун бо диплом ва туҳфаҳои хотиравӣ қадрдонӣ карда шуданд.
