ХАРАКТЕРИ ИФРОТГАРОЁНА ДОШТАНИ ТТЭ ҲНИ ДАР ФИЛМИ “ХИЁНАТ” ОШКОР ШУД!!!

             Силсилафилми “Хиёнат”, ки тавассути шабакаҳои телевизионии Тоҷикистон намоиш дода шуд, бори дигар бадкорию бадандешӣ ва аъмоли ношоиста доштани гуруҳи бадхоҳу бадандешро фош сохт. Ҳамаи мо хуб медонем, ки муносибати ҳизбҳои сиёсӣ бо дин дар қонунгузории Ҷумҳурии Тоҷикистон мавриди таваҷҷӯҳ қарор гирифта, танзими дақиқи худро пайдо кардааст. Муҳимтарин манбаи хуқуқие, ки масъалаи мазкурро ба танзим медарорад, Конститутсияи Ҷумҳурии Тоҷикистон мебошад.

Чуноне, ки  моддаи 8-уми Конститутсия низоми гуногунии ақоидатиро пешбинӣ карда, муқаррар мекунад, ки «Мафкураи ҳеҷ як ҳизб  иттиҳодияи ҷамъиятӣ, динӣ, ҳаракат ва гурӯҳое наметавонад ба ҳайси мафкураи давлатӣ этироф шавад.

Аммо фаъолияти ҲНИ дар солҳои охир нишон дод, ки дар амал мушаххас намудани марзи мафҳумҳои «ташкилоти динӣ» ва «ҳизби сиёсии характери динӣ дошта» бисёр мушкил мебошад.

Солҳои охир аъзоёни ТТЭ ҲНИ  теъдоди зиёди ҷиноятҳои хусусиятҳои террористию экстремистӣ доштаро содир намуда, дар байни аҳолӣ, аз ҷумла бо истифодаи воситаҳои ахбори омма норозигию иғво ва кинаю адоват барангехта истодаанд, ки ин амалҳои онҳо боиси халалдоршавии ҳаёти осудаи шаҳрвандон ва амнияти ҷамъиятӣ гардида, ба асосҳои сохти конститутсионӣ ва соҳибихтиёрии Ҷумҳурии Тоҷикистон таҳдид менамояд.

Танҳо дар 5 соли охир 45 нафар аъзои ҲНИ ҷиноятҳои вазнин ва махсусан вазнин, 17-тои онҳо бошанд, барои содир намудани ҷиноятҳои хусусияти ифротгароӣ ва террористидошта айбдор дониста шуда ба ҷавогарии  ҷиноятӣ кашида шуданд. Чунончӣ, Раиси бахши ҲНИ дар ноҳияи Рашт Давлатов Ҳусниддин дар ҳайати иттиҳоди террористии «Ҷамъияти Ансоруллоҳ» таҳти роҳбарии Давлатов Аловуддин бо тахаллуси «Алии Бедакӣ» ва Раҳимов Абдулло бо тахаллуси «Мулло Абдулло» соли 2010 дар водии Рашт дар куштори 25 нафар хизматчиёни ҳарбии Вазорати мудофиаи Ҷумҳурии Тоҷикистон иштирок намуда, ҳангоми ба иттиҳоди террористии мазкур дастрас намудани моддаҳои кимёвӣ барои омода сохтани воситаҳои тарканда дастгир карда шуда, ба ҷазои маҳрум сохтан аз озодӣ ба мӯҳлати 11 солу 6 моҳ маҳкум гардидааст.

 

Бо мақсади бо роҳи зӯроварӣ ғасб намудан ва нигоҳ доштани ҳокимият, ҳамчунин бо роҳи зӯроварӣ тағир додани сохти конститутсионӣ дар Ҷумҳурии Тоҷикистон Муҳиддин Кабирӣ ва дигар аъзои Раёсати Олии ҳизби номбурда бо собиқ муовини вазири мудофиа Назарзода Абдуҳалим Мирзо зиёда аз 20 гурӯҳи ҷиноятӣ иборат аз 15-30 нафариро дар ҳайати иттиҳоди ҷиноятӣ созмон дода муовинони Раиси ҲНИ Ҳисайнов Умаралӣ ва Ҳайитов Муҳамадалиро вазифадор намуданд, ки ба объектҳои махсусан муҳими давлатӣ ҳуҷуми мусаллаҳона ташкил намоянд.

Бо ин мақсад шаби 3 ба 4 сентябри соли 2015 номбурдагон тибқи нақшаи амалҳои ҷиноятии таҳияшуда, даст ба содир намудани ҷиноятҳои вазнин ва махсусан вазнин заданд. Миннбаъд, Назарзода А.М. ва дигар аъзои иттиҳодияи ҷиноятӣ ба кормандони мақомоти ҳифзи ҳифзи ҳуқуқи кишвар, ки баҳри таъмини амнияти давлат ва шаҳрвандон дар ҳолати иҷрои вазифаҳои хизматии худ қарор доштанд, дар ҳудуди шаҳри Душанбе, ноҳияи Рӯдакӣ ва шаҳри Ваҳдат ҳуҷуми мусаллаҳона намуданд.

Аз маводҳои таркандаи намуди норинҷак истифода намуда, таркишҳо содир карданд, ки дар натиҷа 10 нафар кормандони мақомоти ҳифзи ҳуқуқ ба ҳалокат расида, 7 нафари дигарашон ҷароҳатҳои вазнини ҷисмонӣ бардоштанд.

Ҳамин тариқ муаян карда шуд, ки мақсади асосии пешвоён ва  аъзои фаъоли ҲНИ аз номи дини мубини Ислом, вале хилофи муқаррароти он баромад намуда кӯшиш ба харҷ доданд, ки ваҳдати миллӣ, якпорчагӣ, соҳибихтиёрӣ ва амнияти ҷамъиятиро дар Тоҷикистон тавассути содир намудани амалҳои экстремистиву террористӣ халалдор сохтан иборат мебошад.

Бо назардошти ҳолатҳои зикргардида Суди Олӣ аризаи Прокурори генералии Ҷумҳурии Тоҷикистонро қонеъ намуда, Ҳизби Наҳзати Исломии Тоҷикистонро ҳамчун ташкилоти ифротгароӣ (экстремистӣ) – террористӣ эътироф намуда, фаъолияти ҳизби мазкурро дар қаламрави Ҷумҳурии Тоҷикистон манъ намуд.

Ҳамаи ҳаводису воқеаҳои он солҳо дар филми мустанади “Хиёнат” нишон дода шуда, афкори бадхоҳони миллат ва аъмоли ношоистаи онҳо фош карда шудааст.

Мо бояд фирефтаи афкори ҳизбу гуруҳҳои ифротӣ дар хориҷи кишвар нагардем ва барои ҳифзи ормонҳои миллӣ ва давлати соҳибистиқлоли тоҷикон якдилона заҳмат кашем.

 

Тоатов Фирдавс Ҳабибуллоевич,

             муаллими калони  кафедраи

ҷомеашиносии ДИС ДДТТ.

 

Leave a Reply

Your email address will not be published. Required fields are marked *