Дар Донишкадаи иқтисод ва савдои ДДТТ бахшида ба ҷашни Наврӯзи Аҷам чорабинии бошукуҳи идона баргузор гардид.
Бо садои карнаю сурнай чорабини идона оғоз гардида, маъракаи арӯсбиёрон, дастархони наврӯзӣ ва дигар суннатҳои аҷдодӣ аз тарафи донишҷӯён дар сатҳи баланд намоиш дода шуданд.
Дар толори Донишкада намояндаи МИҲД вилояти Суғд Ғафуров Мирзоғуфрон табрикоти Раиси вилояти Суғд муҳтарам Раҷаббой Аҳмадзодаро ба самъи ҳозирин расонид.
Директори Донишкада н.и.и., дотсент Ҳошимзода Ҳомид Ҳасан устодону донишҷӯёнро ба ҷашни хуҷастаи Наврӯз табрику таҳният гуфт.
Сипас барномаи рангини адабию фарҳангии донишҷӯён пешкаши меҳмонон ва иштирокчиёни чорабинӣ гардид.
