Амалҳои хоинонаи ТТЭ ҲНИ бо роҳбарии М. Кабириро мардуми тоҷик намеписанданд.

Сулҳу ваҳдат барои тамоми мардуми тоҷик азизу муқаддас аст. Зеро он ба осонӣ ба даст наомадааст. Ҳанўз ҳам мардум солҳои 90-уми асри гузаштаро аз хотир набаровардаанд.  Бо эълон шудани истиқлолияти давлатӣ ва ба имзо расидани Созишномаи умумии истиқрори сулҳ ва ризоияти миллӣ боварии мардум ба ояндаи неки мамлакат зиёд гардид. Тоҷикистони азизу соҳибистиқлоли мо, имрўз боѓеро мемонад, сарсабзу хуррам ва мардумонаш хушбахту озод зери парчами сулҳу ваҳдат хушу хурсандона зиндагӣ доранд. Ҷумҳурии Тоҷикистон аз зумраи давлатҳоест, ки бар зидди терроризм ва экстремизм муборизаи беамон мебарад. Дар ин иртибот мубориза ба муқобили терроризм ва экстремизм қисми таркибии таъмини амнияти кишварро ташкил медиҳад. Роҳу усулҳои он ба таври рўшан дар «Стратегияи миллии Ҷумҳурии Тоҷикистон оид ба муқовимат ба экстремизм ва терроризм барои солҳои 2016-2020» инъикос ёфтааст. Имрўз терроризм ва экстремизм яке аз падидаҳои зишт ва хатарнок барои тамоми ҷомеаи ҷаҳонӣ ба ҳисоб меравад. Аз расонаҳои хабарӣ ҳар яки мо шоҳиди онем, ки имрўзҳо дар гўшаю канори дунё ҳодисаю амалҳои зиёди террористӣ ба амал омада истодаанд. Бо дарки ин маънӣ ҷомеаи ҷаҳонӣ талош бар он дорад, ки дар роҳи мубориза ба ин амали номатлуб ҳамҷоя амал намояд. Ҳамасола дар ҷаҳон даҳҳо амали террористӣ содир мешавад ва аз ин ҳисоб дар байни ҷомеаи баробари куштаву қурбоншудагон, осори тарсу ваҳм ва хавотирӣ боқӣ мемонад.  Муборизаи ҳар як узви ҷомеаи ба муқобили терроризм ва экстремизм дар асл мубориза барои ҳифзи давлат, истиқлолият, арзишҳои миллӣ, фарҳангу забон ва зиндагии озоду осудаи халқамон мебошад. Оқибатҳои фоҷеабори ин падида ин куштору қатли одамон мебошад, ки он ба ҳар халқу миллат таъсири бад мерасонад. Амалҳои хоинонаи миллат  Муҳиддин Кабирӣ ва ҳаммаслакони ўро мардуми тоҷик пайваста ва доимо маҳкум мекунад. Миллати тоҷик сулҳу оромӣ ва Ваҳдати комилро бар ивази азияту заҳмати сангин ва кўшишҳои пайвастаи Асосогузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, мўҳтарам Эмомалӣ Раҳмон ба даст овард. Мо боядимрӯз ба ин неъмати бебаҳо расида, истиқлолияти комилро ҳифзу муқаддас дорем.

Шарипова  Д.,
устоди  кафедари тиҷорат
ва ҳуқуқи ДИС ДДТТ

Leave a Reply

Your email address will not be published. Required fields are marked *