Санаи 20-уми феврали соли равон дар Донишкада бо мақсади тарбия намудани донишҷўён дар руҳияи ватандўстӣ ва тарғиби тарзи ҳаёти солим дар байни муҳассилин мусобиқаи ҳарбӣ-варзишӣ бахшида ба Рўзи таъсисёбии Қувваҳои Мусаллаҳи Ҷумҳурии Тоҷикистон баргузор гардид. Мусобиқа аз рўи намудҳои бо қадами сафӣ гузаштан, расонидани ёрии аввалин ба ҷабрдида, вазнбардорӣ, гўштини камарбандӣ, дастхобонӣ ва кашидани арғамчин гузаронида шуда, аз ҳар як факултет ҳайати дастаҳо дар он фаъолона иштирок намуданд.
Аз рўи натиҷаҳои ҷамъбасти мусобиқа ҷои якумро донишҷўёни факултети тиҷорат, фаъолияти гумрукӣ ва ҳуқуқ, ҷои дуюмро донишҷўёни факултети иқтисодиёт ва технологияҳои инноватсионӣ ва ҷои сеюмро муҳассилини факултети молия ва баҳисобгирии бухгалтерӣ соҳиб гардиданд.
Ғолибони мусобиқа бо Диплом ва Сипосномаҳои раёсати Донишкада қадрдонӣ карда шуданд.